صہیونی آبادیوں پر حزب اللہ کے انتقامی حملے، 6 زخمی

شیعیت نیوز:حزب اللہ نے لبنان سے مقبوضہ فلسطین کے اندر صہیونی آبادیوں پر حملے کئے ہیں۔

حملوں میں کریات شمونہ اور الجلیل میں صہیونی آبادی میں آگ لگ گئی ہے۔

مقامی ذرائع کے مطابق حزب اللہ نے شدید ترین میزائل حملے کئے ہیں۔

یہ بھی پڑھیں:غزہ پر حملوں کی شدید مذمت،جنگ بندی کا مطالبہ کرتے ہیں،وزیر اعظم پاکستان

المیادین کے مطابق میزائل حملوں کے بعد الجلیل کی مرکزی شاہراہ بند ہوگئی ہے جو اسرائیل کے اکثر شہروں کے درمیان نقل و حمل کے لئے استعمال کی جاتی ہے۔

دراین اثناء صہیونی خبری ایجنسی حدشوت بزمان نے کہا ہے کہ حزب اللہ کے حملوں کے بعد دم گھٹنے کی وجہ سے چار صہیونیوں کو طبی امداد کے لئے ہسپتال لے جانا پڑا ہے۔

یدیعوت احارونوت نے کہا ہے کہ حملوں کے بعد لگنے والی آگ بجھانے کے دوران 6 افراد زخمی ہوگئے ہیں۔