طلباء حصول علم میں درپیش مشکلات سے نہ گھبرائیں، علامہ حافظ ریاض نجفی

شیعیت نیوز:حوزہ علمیہ جامعة المنتظر کے زیراہتمام جدید مدرسہ قائم کر دیا گیا۔

علامہ عارف حسین شاکری کو نئے مدرسے کا پرنسپل مقرر کیا گیا ہے۔

جدید مدرسے کی افتتاحی تقریب حوزہ علمیہ جامعة المتظر ماڈل ٹاون میں منعقد ہوئی،جس میں علماء اور طلبا شریک ہوئے۔

وفاق المدارس الشیعہ پاکستان کے صدر آیت اللہ حافظ سید ریاض حسین نجفی نے زور دیا کہ طلباء علم حاصل کرنے کے درمیان آنیوالی مشکلات سے نہ گھبرائیں، ہدف ہمیشہ بلند رکھیں۔

انہوں نے کہا طلباء مجتہدین کے استاد حضرت آیت اللہ العظمیٰ سید ابوالقاسم خوئی رحمتہ اللہ علیہ بننے کا ہدف مقرر کریں، جو علم کا بہت بڑا سمندر اور مرجع عالی قدر آیت اللہ حافظ بشیر حسین نجفی کے بھی استاد تھے۔

ان کا کہنا تھا کہ طلبہ کلمہ طیبہ، اذان، اقامت اور نماز یاد کریں اور ترجمے پر بھی توجہ دیں۔

یہ بھی پڑھیں:میاں محمد نواز شریف مسلم لیگ (ن) کے صدر منتخب

تقریب میں علامہ محمد افضل حیدری، علامہ مرید حسین نقوی، علامہ کرم علی حیدری ،علامہ علمدار حسین نقوی، علامہ لیاقت حسین بھی شریک ہوئے۔

علامہ مرید نقوی نے اس موقع پر کہا کہ حوزہ علمیہ جامعة المنتظر جدید کا کورس چھ سال پر مشتمل ہوگا۔

پہلے دو سال میں کالج کی تعلیم اور شرح لمعہ کی پہلی جلد مکمل ہوگی۔

ان کا کہنا تھا کہ اگلے چار سال میں طے شدہ کورس اور یونیورسٹی تک تعلیم مکمل کروائی جائے گی۔

علامہ مرید نقوی نے کہا کہ ابتدائی طور پر 60 طلباء سے جامعة المنتظر جدید کا آغاز کیا جا رہا ہے۔

ہاسٹل اور کلاسیں علیحدہ ہوں گی۔ انہوں نے کہا کہ ساتویں سے دسویں کلاس تک کے بچوں کو جامعة المنتظر جدید میں داخلہ دیا گیا ہے۔

ان شاءاللہ اس میں مزید اضافہ ہوگا۔ تقریب میں علماء کیساتھ علی مسجد کمیٹی کے ارکان بھی شریک ہوئے۔