علامہ راجہ ناصر عباس کی کرغزستان میں پاکستانی طلبا کی ٹارگٹ کلنگز کی مذمت

شیعیت نیوز:چیئرمین مجلس وحدت مسلمین پاکستان سینیٹر علامہ راجہ ناصر عباس جعفری کرغزستان میں مقامی افراد کے ہاتھوں پاکستانی طلبا کی ٹارگٹ کلنگز کے واقعات کی مذمت کرتے ہوئے انہیں تشویشناک قرار دیا ہے۔

انہوں نے کہا کہ کرغزستان میں کم و بیش 10 ہزار پاکستانی طلباء زیر تعلیم ہیں۔

بتایا جا رہا ہے کہ کرغزستان کی مقامی پولیس انتظامیہ کی نگرانی میں قتل و غارت کا یہ کھیل کھیلا جا رہا ہے۔ حکومت کو اس مسئلے کا فوری حل تلاش کرنا چاہئے۔

یہ بھی پڑھیں:کرغزستان ہنگامے، مشتعل کرغز طلبہ کے پاکستانی طلبہ کے ہاسٹلز پر حملے

علامہ راجہ ناصر عباس جعفری نے کہا پاکستان میں موجود کرغزستان کے سفیر کو طلب کر کے ایسے واقعات کی سخت الفاظ میں باز پرس کی جائے۔

وزارت خارجہ اپنے اعلی سطح وفد کرغزستان روانہ کر کے وہاں کی حکومت سے بات چیت کرے اور پاکستانی طلبا کے جان و مال کے تحفظ کو یقینی بنایا جائے۔