ایم ڈبلیو ایم کے خارجہ اُمور کے مسئول ڈاکٹر شفقت شیرازی کا دورہ مشہد
مجلس وحدت مسلمین شعبہ خارجہ اُمور کے مسئول حجة الاسلام والمسلمین ڈاکٹر سید شفقت حسین شیرازی نے مشہد مقدس میں روضہ امام رضا علیہ السلام پر حاضری دی۔
بعد ازاں اُنہوں نے مشہد مقدس میں واقع دفتر مجلس وحدت مسلمین کا دورہ کیا جہاں مسئول مشہد مقدس حجة الاسلام آقائی عقیل حسین خان اور دیگر مسئولین مشہد مقدس نے اُن کا استقبال کیا۔
حجة الاسلام والمسلمین عقیل حسین خان مسئول شعبہ مشہد مقدس نے معزز مہمان کا دفتر تشریف لانے پر شکریہ ادا کیا اور شعبہ کی فعالیت پر بریفنگ دی، اس موقع پر مشہد مقدس کے مسئولین اور فعال افراد نے موجود تھے۔
حجة الاسلام والمسلمین ڈاکٹر سید شفقت حسین شیرازی نے شعبہ کی کارکردگی کو سراہا اور کہا کہ مجلس وحدت مسلمین پاکستانی تشیع کے لیے عطیہ خدا وندی ہے جس کی وجہ سے تشیع پاکستان کو کامیابیاں اور افتخارات ملے ہیں۔
یہ بھی پڑھیں:پروفیسر تقدیس گیلانی کو او آئی سی میں مسئلہ کشمیر اجاگر کرنے پر خراج تحسین
انہوں نے کہا علامہ راجہ ناصر عباس جعفری اور ان کے تمام معاونین کی دن رات کی محنت اور خطرات کے باوجود اور میدان میں ڈٹے رہنے کی بدولت خدا وند کریم نے تاریخ تشیع پاکستان میں پہلی بار شھید عارف الحسینی کے خواب کی تعبیر نصیب ہوئی کہ سینیٹ قومی اسمبلی اور صوبائی اسمبلی میں ملت تشیع کے نمائندے موجود ہیں۔
ڈاکٹر شیرازی نے کہا کہ مجلس وحدت مسلمین پاکستان نے ملت کے اندر اتحاد و یگانگت کی فضا پیدا کی اور ملت کے مختلف طبقات کو ایک دوسرے کے قریب کیا۔
سب کو قومی دھارے میں لایا جس کی وجہ سے آج ملت تشیع کو پاکستان میں قدر اور عزت کی نظر سے دیکھا جاتا ہے کہ یہ وفادار ہیں، وعدہ و قول کے پکے ہیں اور کربلا والوں کی طرح ڈٹ جانے والے ہیں۔
