پروفیسر تقدیس گیلانی کو او آئی سی میں مسئلہ کشمیر اجاگر کرنے پر خراج تحسین

آزاد کشمیر قانون ساز اسمبلی کے اجلاس میں جمہوریہ گیمبیا میں ہونے والے او آئی سی اجلاس میں وزیر سمال انڈسٹریز و ٹریڈ اینڈ ٹریول اتھارٹی پروفیسر تقدیس گیلانی کی جانب سے مسئلہ کشمیر کو جاندار انداز میں اجاگر کرنے پر ممبران اسمبلی نے بھرپور انداز میں سراہا۔

قائد حزب اختلاف خواجہ فاروق احمد نے کہا کہ پروفیسر تقدیس گیلانی نے موثر انداز میں اسلامی تعاون تنظیم کے اجلاس میں مسئلہ کشمیر کو اجاگر کیا جس پر انہیں خراج تحسین پیش کرتے ہیں۔

یہ بھی پڑھیں:سی ٹی ڈی کا شہریوں کو بغیر ثبوت گرفتار کرنا اختیارات کا غلط استعمال ہے، عدالت

اس موقع پر قائد ایوان وزیراعظم آزاد کشمیر سمیت تمام سیاسی جماعتوں کے قائدین اور ممبران اسمبلی نے ڈیسک بجا کر پروفیسر تقدیس گیلانی کی ستائش کی۔

یاد رہے کہ پروفیسر تقدیس گیلانی نے حال ہی میں گیمبیا میں ہونے والی او آئی سی کانفرنس میں ڈپٹی وزیراعظم و وزیر خارجہ اسحاق ڈار کے ہمراہ شرکت کی اور کشمیریوں کی بھرپور اور موثر نمائندگی کی۔

اور او آئی سی اجلاس میں خطاب کرنی والی پہلی کشمیری خاتون ہونے کا اعزاز بھی حاصل کیا۔