بلوچستان میں بم دھماکے،کئی افراد جاں بحق، متعدد زخمی

شیعیت نیوز: بلوچستان میں دو الگ الگ بم دھماکوں کے نتیجے میں ایک پولیس اہلکار سمیت کم از کم تین افراد جاں بحق اور 20 زخمی ہوگئے ہیں۔

مقامی میڈیا کے مطابق کوئٹہ کے علاقے "کچلاک” کی ایک مسجد میں ہونے والے پہلے دھماکے میں ایک پولیس اہلکار جاں بحق اور 15 زخمی ہو گئے۔

ایک سینئر اہلکار کے مطابق مسجد میں دھماکہ اس وقت ہوا جب لوگ نماز مغرب میں شرکت کر رہے تھے۔

اس کے علاوہ خضدار شہر کے ایک بازار میں ہونے والے دوسرے دھماکے میں دو افراد جاں بحق اور پانچ زخمی ہوئے۔

یہ بھی پڑھیں:نئی تاریخ رقم!سینیٹر علامہ راجہ ناصر عباس جعفری نے اپنے عہدے کا حلف اٹھا لیا

یہ دھماکہ بھی اس وقت ہوا جب بازار کے مصروف اوقات اور عید (فطر) کی خریداری کے لیے لوگوں کا ہجوم تھا۔

حکام نے بتایا کہ بم ڈسپوزل ٹیموں نے اپنی ابتدائی رپورٹ میں کہا ہے کہ دونوں دھماکے موٹرسائیکلوں میں نصب دیسی ساختہ بموں کی وجہ سے ہوئے۔

ابھی تک کسی دہشت گرد گروپ نے ان واقعات کی ذمہ داری قبول نہیں کی ہے۔