اسماعیل ہانیہ تہران پہنچے، ہوگی اہم پریس کانفرنس

شیعیت نیوز: حماس کے سیاسی دفتر کے سربراہ اسماعیل ہانیہ آج تہران کے سفر پر ہیں اور وہ ایران کے وزیر خارجہ سے ملاقات کے بعد پریس کانفرنس کریں گے۔

المیادین نیوز چینل نے آج صبح اطلاع دی ہے کہ تحریک حماس کے سیاسی دفتر کے سربراہ اسماعیل ہانیہ منگل کو تہران کا سفر کریں گے۔

المیادین چینل کے مطابق، ہانیہ تہران میں ایران کے وزیر خارجہ حسین امیر عبداللہیان سے ملاقات کریں گے اور اس کے بعد پریس کانفرنس کریں گے۔

یہ بھی پڑھیں:سلامتی کونسل نے غزہ میں فوری جنگ بندی کی قرارداد منظور کرلی

ہانیہ کا دورہ تہران، غزہ پٹی میں فوری جنگ بندی کے حوالے سے اقوام متحدہ کی سلامتی کونسل کی قرارداد کے بعد ہوا ہے۔

اقوام متحدہ کی سلامتی کونسل نے پیر کی شام غزہ میں فوری جنگ بندی کے لیے ایک قرارداد منظور کی۔

امریکہ نے دھمکی دی تھی کہ اگر قرارداد کے مسودے کے متن میں ترمیم نہ کی گئی اور "مستقل جنگ بندی” کی اصطلاح کو "جنگ بندی” سے تبدیل نہ کیا گیا تو وہ اس قرارداد کو مسترد کر دے گا۔