سلامتی کونسل میں غزہ جنگ بندی، کی نئی قرارداد پر رائے شماری کل ہوگی

شیعیت نیوز : اقوام متحدہ کی سلامتی کونسل میں غزہ کی صورت حال پر امریکی قرارداد ویٹو ہونے کے بعد جنگ بندی کی نئی قرارداد پر ووٹنگ اب کل یعنی پیر کے روز ہوگی۔

اقوام متحدہ کی سلامتی کونسل میں امریکا نے اپنے اتحادی ممالک کی حمایت سے غزہ پر قرار داد پیش کی تھی تاہم اس قرارداد کو روس اور چین نے ویٹو کردیا تھا۔

جس کے بعد گزشتہ روز جنگ بندی کی ایک نئے مسودے پر ووٹنگ ہونا تھی لیکن اس پر مزید بات چیت کی اجازت دینے کے لیے رائے شماری کو پیر کے روز تک معطل کردیا گیا۔

یہ بھی پڑھیں : گلگت بلتستان مسلسل زوال کی جانب گامزن ہے، کاظم میثم

اس نئی قرارداد میں مبینہ طور پر روس اور چین کے اعتراض کو دور کرتے ہوئے پائیدار اور مستقل جنگ بندی کے حوالے سے اقدامات کا زکر بھی کیا گیا ہے۔

یاد رہے کہ اقوام متحدہ کی سلامتی کونسل غزہ پر 7 اکتوبر سے جاری اسرائیلی بمباری پر تاحال کوئی ایک بھی متفقہ قرارداد لانے میں کامیاب نہیں ہوسکی ہے۔

اسرائیل کی مذمت کی ہر قرارداد کو امریکا ویٹو کردیتا ہے۔