ایم این اے حمید حسین کو ڈسٹرکٹ کرم کے تمام اداروں کی مشترکہ بریفنگ

شیعیت نیوز: مجلس وحدت مسلمین کے رکن قومی اسمبلی انجینئر حمید حسین اور تحصیل چیئرمین پاراچنار مولانا مزمل حسین کو ڈسٹرکٹ کرم کے تمام اداروں نے ڈی سی کانفرنس روم میں تفصیلی بریفنگ دی۔

ڈسٹرکٹ کرم کے تمام اداروں نے ترقیاتی منصوبوں اور دیگر تفصیلات سے مولانا مزمل اور ایم این اے حمید حسین کو آگاہ کیا اور ساتھ ساتھ تمام تر مشکلات بھی سامنے رکھیں۔

ایم این اے اور تحصیل چیئرمین کو اپر لوئر اور سینڑل کرم کے تمام علاقوں کے میں جاری ترقیاتی منصوبوں پر بریفنگ دی گئی اور مشکلات کے حل کے لیے جامع منصوبہ بندی پیش کی۔

رکن قومی اسمبلی انجینئر حمید حسین اور تحصیل میئر مولانا مزمل حسین نے مسلسل تین گھنٹے بریفنگ بڑی انہماک سے سنی اور ہر ایک ادارے کے سربراہ کے ساتھ ٹیکنیکل اور دیگر حوالے سے سوالات کئے۔

بہت سی جگہوں پر ناراضگی کا اظہار کیا اور آئندہ کے لیے ہدایات جاری کیں۔ چند مزید معاملات پر بھی احکامات جاری کردیئے۔

یہ بھی پڑھیں:ام المومنینؑ حضرت خدیجہ س کا یوم وفات، علامہ ساجد علی نقوی کا پیغام

انہوں نے قبرستان اور دیگر جگہوں کے تحفظ، تمام لائن ڈیپارٹمنٹس سی این ڈبلیو، فارسٹ، ایگری کلچر، ٹی ایم اے، واپڈا، ہیلتھ، اور دیگر اداروں نے اپنے مسائل اور پراجیکٹس پر بریفنگ دی۔

ایم این اے کے حکم پہ تمام اداروں کو بریفنگ دینے کا کہا گیا تھا، جو سیشن میں مکمل نہیں ہوسکی، اور اگلے سیشن میں ہوگی۔

اجلاس میں اسسٹنٹ کمشنر حفیظ اللہ، تحصیل چئیرمین مولانا مزمل حسین سمیت ایم ڈبلیو ایم کے اراکین نے شرکت کی۔

مولانا مزمل حسین نے دعا کی اور ایم این اے انجینئر حمید حسین نے اداروں کے سربراہان کا شکریہ ادا کیا اور ملکر ساتھ چلنے اور علاقہ کی ترقی کے لئے دن رات ایک کرکے کام کرنے کا عزم ظاہر کیا۔