شیر افضل مروت نے سنی اتحاد کونسل سے اتحاد کو غلطی قرار دے دیا

شیعیت نیوز: پاکستان تحریک انصاف کے رہنما شیر افضل مروت نے سنی اتحاد کونسل سے اتحاد کو غلطی قرار دیتے ہوئے پی ٹی آئی کے غلط فیصلوں کی تحقیقات کا مطالبہ کر دیا۔

تفصیلات کے مطابق پاکستان تحریک انصاف کے رہنما شیر افضل مروت نے نجی ٹی وی چینل کے پروگرام میں گفتگو کرتے ہوئے کہا کہ سنی اتحاد کونسل سے اتحاد ہماری غلطی تھی جس کا خمیازہ بھگتنا پڑا ہے۔

شیر افضل مروت نے بتایا کہ بانی پی ٹی آئی پشاور ہائیکورٹ کے فیصلے سے مایوس اور ناخوش ہوئے، انہوں نے کہا کہ فیصلہ سپریم کورٹ میں چیلنج کریں۔

رہنما پی ٹی آئی نے پارٹی کے غلط فیصلوں پر روشنی ڈالتے ہوئے کہا کہ دو فیصلے غلط ہوئے جس کی ہم بھاری قیمت اداکر رہے ہیں ۔

پہلی غلطی اس وقت ہوئی جب عمران خان نے جمعیت علمائے اسلام (جے یو آئی) شیرانی گروپ کی پارٹی سے الائنس کا کہا اور کسی صورت میں بلا جاتا ہے تو بطور متبادل شیرانی صاحب کی پارٹی کی شکل میں رہے۔

یہ بھی پڑھیں:جھنگ کے شیعہ جبری گمشدہ، بلال حیدر کی والدہ کی پریس کانفرنس

ان کا کہنا تھا کہ اسد قیصر، بیرسٹر گوہر اور مجھے ٹاسک دیا گیا ، ہم نے شیرانی صاحب سے کئی میٹنگز کیں ۔

ہم کچھ ٹی اورآر پر پہنچ گئے اور بلوچستان ،کے پی میں کچھ سیٹوں کی ایڈجسٹمنٹ پر بانی پی ٹی آئی تیار ہوگئے تو انہوں نے ٹی اوآر پر دستخط کرکے پبلک کردیں، پھر ہم نے میڈیا میں اعلان کر دیا کہ شیرانی صاحب سے اتحاد ہوگیا ہے۔

شیر افضل مروت نے کہا کہ پھر تین چاردن بعد اچانک شیرانی صاحب کی پارٹی کا پتا کٹ گیا اور بلے باز سامنے آگیا، بلے باز کو کون لایا، کیوں آیا اور شیرانی صاحب کو کیوں ہٹایا گیا یہ سوالیہ نشان ہے۔

دوسری بڑی غلطی مجلس وحدت مسلمین کے ساتھ شمولیت کا فیصلہ کر کے ہوئی، وحدت مسلمین کے ساتھ سمجھوتے کا مقصد ریزرو سیٹیں بچانا تھیں ۔

ان سے سمجھوتے پر ہمیں دھمکی آمیز میسیج آنے لگے ، تھریٹ کی وجہ سے ہم نے سنی اتحادکونسل میں شمولیت کا فیصلہ کیا،ان غلط فیصلوں کی وجہ سے ہم نے 80سے زائد سیٹیں کھو دیں۔