فلسطین میں نسل کشی روکی جائے ،صدرِپاکستان آصف علی زرداری کا مطالبہ

 شیعیت نیوز:  صدرِ پاکستان  آصف علی زرداری نے ماہ مبارک رمضان کی مناسبت سے اپنے پیغام میں کہا ہے کہ یہ مہینہ استقامت، فداکاری اور اخوت و رواداری کا پیغام دیتا ہے۔

انہوں نے کہا کہ عالم اسلام اس مہینے میں قرب الہی اور اس پرفیض مہینے کے فیوضات و برکات سے بہرہ مند ہونے کے ساتھ ہی غریبوں، ناداروں اور مسکینوں کی بھی مدد کرے۔

آصف علی زرداری نے پاکستان کے داخلی بحرانوں کے حل اور اس ملک کی ترقی کے لئے اور اسی طرح عالم اسلام کی سربلندی کے لئے دعا کی اور کہا کہ اس ماہ میں ہمیں فلسطین کی مظلوم قوم کو فراموش نہیں کرنا چاہیے۔

پاکستان کا تہران میں مجوزہ فلسطین کانفرنس میں شرکت کا اعلانیہ بھی پڑھیں:
انہوں نے کہا کہ ہم عالم اسلام کے حکمرانوں سے یہ مطالبہ کرتے ہیں کہ وہ فلسطینیوں کی نسل کشی روکے جانے اور غزہ میں فوری جنگ بندی کےلئے اپنے مشترکہ اقدامات میں تیزی لائيں۔

غزہ کے مسلمانوں نے ماہ مبارک رمضان کے مقدس مہینے کا آغاز ایسی حالت میں کیا ہے کہ جارح صیہونی حکومت کے حملوں کے سبب ، ان کو انسانی المیے، محاصرے، غذائی اشیاء کی قلت اور تباہ شدہ مسجدوں کا سامنا ہے۔