عالم اسلام کے سربراہوں کے نام حماس کے سربراہ کا پیغام

شیعیت نیوز: حماس کے سربراہ نے عالم اسلام کے سربراہوں اور رہنماؤں کے نام اپنے اس اہم پیغام میں غزہ کے خلاف جاری وحشیانہ جنگ فوری طور پر بند کرانے اور قبلہ اول مسجدالاقصی کے تحفظ کی اپیل کی ہے۔

اس پیغام میں اسماعیل ہنیہ نے غزہ کے فلسطینیوں پر وحشیانہ مظالم اور مسجد الاقصی کی حفاظت کے لئے فوری سیاسی، سفارتی اور قانونی کارروائیوں کی اپیل کی گئی ہے۔

یہ بھی پڑھیں: آج ایران ترقی یافتہ اور سائنس و ٹیکنالوجی کا حامل ملک ہے : صدر ایران

اسماعیل ہنیہ نے اس پیغام میں عالم اسلام کے لیڈروں، ممتاز شخصیات اور دینی اور مذہبی رہنماؤں کو مخاطب کرکے غزہ میں نسل کشی کے خاتمے کے لئے انسانیت کی دشمن صیہونی حکومت پر دباؤ ڈالنے کی اپیل کی ہے۔

ان کے اس بیان میں غزہ کے عوام تک غذا اور ادویات کی فوری ترسیل اور رہائش اور سرحدی گزرگاہوں کی بحالی کے لئے بھی صیہونی حکومت اور امریکہ پر دباؤ کے لئے کہا گیا ہے۔

حماس کے سربراہ نے عالم اسلام کے سربراہوں سے اپیل کی ہے کہ صیہونی حکومت کے خلاف عدالتی کارروائی، تل ابیب کے جرائم سے پردہ ہٹانے اور اس جعلی حکومت کو سیاست اور سفارتی میدان میں الگ تھلگ کرنے کے لئے بھرپور کوشش کریں۔