اہم ترین خبریںعراق
عراق: آیت اللہ بشیر حسین نجفی سے یورپی یونین کے سفیر کی ملاقات،مسئلہ فسلطین پر تبادلہ خیال
جبکہ فلسطینی عوام نسل کشی کی جنگ کا شکار ہے جس میں بچے اور خواتین کے ساتھ ساتھ ہسپتال بھی شکار بنائے جا رہے ہیں۔
شیعیت نیوز:نجف اشرف دنیا میں مذہب اسلامی کا اہم مرکز ہے مرجع مسلمین وجہانِ تشیع حضرت آیت اللہ العظمیٰ الحاج حافظ بشیرحسین نجفی دام ظلہ الوارف نے مرکزی دفتر نجف اشرف میں بغداد میں یورپی یونین کے سفیرجناب تھامس سیلر اور ان کے ساتھ آنے والے وفد سے ملاقات کی
مرجع عالی قدر دام ظلہ الوارف نے یورپی یونین کے سفیر کے ذریعہ یورپی یونین کو اپنے پیغام میں فرمایا کہ عراق کی خود مختاری اور عراق کے قانونی اور خود مختار فیصلوں کا احترام کیا جائے۔
ساتھ ساتھ ہم ہر اس تعاون کا خیر مقدم کرتے ہیں جو عراق کو اقتصادی اور سائنسی میدان میں عراق کی حمایت اور مدد پر مبنی عراقی یورپی تعلقات کو آگے بڑھائے
خاص طور پر جبکہ یورپ نے سابقہ آمریتوں کے دور حکومت میں اور 2003 کے بعد عراق کو درپیش دہشت گردی کے خلاف عراق کے لئے حمایتی اور مدد کا موقف اختیار کیا ۔
مرجع عالی قدر دام ظلہ الوارف نے عراقی پارلیمنٹ کے کاموں میں مداخلت کے متعلق اپنی تشویش کا اظہار کیا کیونکہ وہ 1988 کے انسداد جسم فروشی کے قانون نمبر 8 کا جائزہ لینے میں اپنا فریضہ انجام دے رہے ہیں۔
انہوں نے مزید فرمایا کہ اس معاملے میں کسی بھی غیر ملکی مداخلت کو نا قابل قبول سمجھتے ہیں۔
یہ بھی پڑھیں: لاہور:انٹرنیشنل حضرت امام حسین علیہ السلام کانفرنس سے آیت اللہ بشیر نجفی کے فرزند کا خصوصی خطاب
انہوں نے یورپی یونین کے سفیر سے اپنے خطاب میں کسی بھی بیرونی مداخلت سے دور لوگوں کو اپنی قومی ، مذہبی اور ثقافتی شناخت کے تحفظ پر زور دیا ۔
مرجع عالی قدر دام ظلہ الوارف نے یورپی یونین کو اپنے پیغام کے محور میں فلسطینی عوام کو متاثر کرنے والی خونریزی پر خاموشی اور اس خونریزی کو روکنے والے کسی بھی اقدام میں رخنہ اندازی پر شدید درد اور افسوس کے اظہار کا اعادہ کیا
جبکہ فلسطینی عوام نسل کشی کی جنگ کا شکار ہے جس میں بچے اور خواتین کے ساتھ ساتھ ہسپتال بھی شکار بنائے جا رہے ہیں۔
مرجع عالی قدر دام ظلہ الوارف نے یورپی یونین کے ممالک سے مطالبہ کیا کہ وہ جنگ کو فوری طور پر بند کرنے اور فلسطینی عوام کی خونریزی اور ان کو ان کے گھروں سے بے دخل کرنے کی کوششوں کو فوری بند کرنے کے لئے حقیقی ذمہ داریوں پر عمل کریں
جبکہ کڑوروں مسلمانوں حتی کہ پوری انسانیت کے جذبات کو نظر انداز کرتے ہوئے اسرائیل متعدد جرائم کئے جا رہا ہے ۔
یورپی یونین کے سفیر نے مرجع عالی قدر دام ظلہ الوارف کی جانب سے قیمتی وقت دینے اور وسیع افق اور تواضع پر ان کا خصوصی شکریہ اداکیا۔
