صوبہ سندھ میں گیس کا بڑا ذخیرہ دریافت

شیعیت نیوز : سندھ کے علاقے ڈھرکی میں ایک اور گیس کا ذخیرہ دریافت کر لیا گیا ہے ۔

اس ذخیرے سے یومیہ سترہ ملین اسٹینڈرڈ کیوبک فٹ گیس حاصل ہوگی۔

تفصیلات کے مطابق ماڑی پٹرولیم کو سندھ کے علاقے ڈھرکی میں ایک اور بڑی کامیابی مل گئی۔

یہ بھی پڑھیں :سابق آرمی چیف جنرل مشرف کا ڈاکٹر عبدالقدیر سے اصل اختلاف کیا تھا، حامد میر کا حیران کن انکشاف

کمپنی کی جانب سے اعلامیہ میں کہا گیا ہے کہ ماڑی پٹرولیم نے صوبے سندھ کے علاقے ڈھرکی میں ایک اور گیس کا ذخیرہ دریافت کر لیا، جس سے یومیہ سترہ ملین اسٹینڈرڈ کیوبک فٹ گیس حاصل ہوگی۔

کمپنی نے ڈھرکی کے علاقے میں سترہ سو چالیس میٹر تک کھدائی کی، کمپنی کی اس علاقے میں یہ تیسری گیس کی دریافت ہے، کام جاری ہے، جس کے بعد گیس کو سسٹم میں شامل کیا جائے گا۔