غزہ پر بمباری، امریکہ اور صہیونی حکومت کے درمیان کشیدگی، اسرائیلی اخبار
شیعیت نیوز: اسرائیلی اخبار نے انکشاف کیا ہے کہ غزہ پر بمباری کے حوالے سے اسرائیل اور امریکہ کے درمیان اختلافات مزید بڑھ گئے ہیں۔
اسپوٹنک نے کہا ہے کہ اسرائیلی اخبار یدیعوت احارونوت نے غزہ پر جاری صہیونی بمباری کے بارے میں تل ابیب اور واشنگٹن کے درمیان کشیدگی میں اضافہ ہورہا ہے۔
یہ بھی پڑھیں : القسام اور القدس بریگیڈ کے اسرائیلی تنصیبات پر حملے، کئی ٹینک تباہ
ذرائع ابلاغ میں تل ابیب اور واشنگٹن کے درمیان حالیہ دنوں میں کشیدگی کی خبریں بازگشت کررہی ہیں۔ صہیونیوں کے مطابق امریکہ خطے کی صورت حال کے حوالے سے غلطی کررہا ہے کیونکہ جنگ بندی اور غزہ کو امدادی سامان فراہم کرکے اپنے وقار میں اضافہ کرنا چاہتا ہے۔
اسرائیلی اخبار یدیعوت احارونوت نے لکھا ہے کہ امریکی دباؤ کا نتیجہ برعکس ظاہر ہوگا کیونکہ دباؤ کی وجہ سے اسرائیلی فورسز اپنی کاروائیوں میں مزید تیزی لاسکتی ہیں جس کی وجہ سے ہلاکتوں میں اضافے کا خدشہ ہوگا۔
یدیعوت احارونوت نے مزید لکھا ہے کہ واشنگٹن تل ابیب کے مفادات کے خلاف فوری جنگ بندی چاہتا ہے تاکہ یوکرائن میں روس اور چین کے خلاف کاروائیوں پر توجہ مرکوز کرسکے۔
یہ بھی پڑھیں : اسلامی ممالک غزہ کے بارے میں ٹھوس اور جامع حمکت عملی اپنائيں، آیت اللہ سید علی خامنہ ای
اسرائیلی اخبار یدیعوت احارونوت کے مطابق صہیونی حکام کے درمیان بھی امریکی پالیسی کے حوالے سے اختلافات پائے جاتے ہیں جو آئندہ دنوں میں نئے مرحلے میں داخل ہوسکتے ہیں۔
بین الاقوامی کے ماہر اور مبصر جاسر مطر نے سکائی نیوز عرب سے گفتگو کرتے ہوئے کہا کہ نیتن یاہو کابینہ نے واشنگٹن کے لئے حالات مزید سخت کردیئے ہیں دوسری وائٹ ہاؤس جنگ کے آغاز سے ہی اسرائیل کی حمایت کرتے آیا ہے لیکن اب سویلین کی ہلاکتوں کی وجہ سے واشنگٹن پر داخلی اور بیرونی سطح پر دباؤ بڑھ رہا ہے۔
