اسرائیل صہیونی آبادکاری کے اقدامات فوری طور پر روک دے، برازیلی وزیرخارجہ

شیعیت نیوز: اقوام متحدہ کی سلامتی کونسل کے اجلاس کے دوران برازیلی وزیرخارجہ نے کہا کہ اسرائیل کو فلسطینی سرزمین پر قبضہ اور آبادکاری کا سلسلہ فوری طور پر روکنا چاہئے۔

الجزیرہ نے خبر دی ہے کہ برازیلی وزیرخارجہہ مائورو وییرا نے اقوام متحدہ کی سلامتی کونسل کے اجلاس میں کہا ہے کہ ہم سویلین قیدیوں کی فوری رہائی کا مطالبہ کرتے ہیں۔ غزہ میں کشیدگی میں اضافہ کسی بھی طور پر قابل قبول نہیں ہے۔

انہوں نے غزہ میں شہری آبادی اور انفراسٹرکچر پر حملوں کی شدید مذمت کی۔ غزہ میں پہنچنے والی امداد وہاں کی ضرورت کو مدنظر رکھتے ہوئے بہت کم ہے۔ جنگ کے فریقین بین الاقوامی قوانین کی رعایت کریں۔ افسوس کی بات ہے کہ فلسطینیوں اور اسرائیلیوں کے درمیان جنگ بندی اور صلح کے لئے اب تک کوئی سنجیدہ اقدام نہیں کیا گیا ہے۔

یہ بھی پڑھیں : یمن کی فوجی صلاحیتوں نے پینٹاگون کو حیران اور تشویش میں مبتلا کر دیا

مائو وییرا نے کہا کہ رفح سرحد سے غزہ کو بھیجی گئی امداد بہت کم ہے۔ غرب اردن پر حملے جاری رہنے سے سیاسی حل کی راہیں مزید مسدود ہوجائیں گی۔

برازیلی وزیرخارجہ نے کہا کہ صہیونی حکومت کو چاہئے بیت المقدس سمیت دیگر فلسطینی علاقوں میں صہیونیوں کو آباد کرنے کا سلسلہ فوری طور پر روک دے۔ آج غزہ اور دیگر مقامات میں بحران مزید بڑھ گیا ہے۔

انہوں نے کہا کہ اقوام متحدہ کو قیدیوں کی رہائی کے سلسلے میں اپنے فرائض سے چشم پوشی نہیں کرنا چاہئے۔ غزہ میں کشیدگی فوری طور پر ختم کرکے انسانی ہمدردی کی بنیاد پر راہداریاں کھول دینا چاہئے۔