اہم ترین خبریںمشرق وسطی

شام میں امریکہ کے زیر قبضہ العمر نامی آئل فیلڈ میں مہیب دھماکہ

شیعیت نیوز: میڈیا ذرائع نے امریکی فوج کے زیر قبضہ دیر الزور کے مشرق میں العمر نامی آئل فیلڈ میں دھماکے کی خبر دی ہے۔

ارنا نے المیادین کے حوالے سے رپورٹ دی ہے کہ شام کے علاقے دیرالزور کے مشرقی مضافات میں واقع العمر نامی آئل فیلڈ میں جو امریکہ کے قبضے میں ہے زبردست دھماکہ ہوا ہے۔

دھماکے کی وجہ معلوم نہیں ہوسکی ہے۔

شام کی فوج نے دیرالزور کی العمر نامی آئل فیلڈ اور الحسکہ کے جنوب میں الشدادی میں دھماکے کی تصدیق کی ہے ۔ شامی فوج نےبتایا ہے کہ یہ ڈرون حملہ تھا۔

چند گھنٹے کے اندر مذکورہ آئل فیلڈ میں جہاں امریکی فوج نے اپنا اڈہ بنا رکھا ہے، یہ دوسرا حملہ ہے۔

یہ بھی پڑھیں : نیتن یاہو کی کابینہ کے تین وزراء مستعفی ہو گئے، ذرائع

پیر کی شام کو بھی العمر آئل فیلڈ میں قابض امریکی فوج کے اڈے پر ڈرون حملہ ہوا تھا ۔

اس حملے کی ذمہ داری عراق کے اسلامی استقامتی گروہ نے قبول کی تھی۔

اس سے پہلے شام کے ہی التنف اور الرکبان نامی علاقوں میں بھی امریکی فوجی اڈروں پر عراق کے ایک اسلامی استقامتی گروہ نے ڈرون حملہ کیا تھا۔

عراق کے اسلامی استقامتی گروہ نے پیر کو ایک بیان جاری کرکے اعلان کیا تھا کہ اس نے التنف اور الرکبان میں امریکی فوجی اڈوں کو بہت ہی دقت کے ساتھ نشانہ بنایا ہے ۔

یاد رہے کہ غزہ کے المعدانی اسپتال پر صیہونی حکومت کی وحشیانہ بمباری کے بعد عراق کے اسلامی استقامتی گروہوں نے امریکی فوجی اڈوں کو نشانہ بنانے کا اعلان کیا تھا جس کے بعد عراق میں امریکہ کے فوجی اڈوں پر متعدد حملے ہوچکے ہیں۔

عراق کے علاقے الانبار میں واقع امریکہ کی الاسد فوجی چھاؤنی پر اسلامی استقامتی گروہ کے میزائل اور ڈرون حملوں میں کم سے کم تین امریکی فوجیوں کے ہلاک اور چھے کے زخمی ہونے کی تصدیق کی گئی ہے۔

متعلقہ مضامین

Back to top button