طوفان الاقصی اسرائیل کے ساتھ تعلقات قائم کرنے والوں کیلئے پیغام ہے، حزب اللہ
شیعیت نیوز: لبنان کی مزاحمتی تنظیم حزب اللہ نے فلسطینی مقاومتی جوانوں کی طرف سے ہونے والے آپریشن طوفان الاقصی کی حمایت کرتے ہوئے کہا ہے کہ آج کا آپریشن اسرائیل سے تعلقات قائم کرنے کی خواہش رکھنے والوں کے لئے پیغام ہے کہ فلسطین کی آزادی کی تحریک منطقی انجام تک پہنچنے تک زندہ رہے گی۔
المنار ٹی وی کے مطابق حزب اللہ نے اپنے بیان میں کہا ہے کہ صہیونی حکومت کے مظالم کے خلاف فلسیطنیوں کی جانب سے شروع ہونے والے طوفان الاقصی کی مناسبت فلسطینی عوام کو مبارک باد پیش کرتے ہیں۔
یہ بھی پڑھیں : حماس کا آپریشن ایران کی حمایت اور رہنمائی کے بعد عمل میں آیا، اسرائیلی صدر اسحاق ہرتزوگ
بیان میں مزید کہا گیا ہے کہ صہیونی دشمنوں سے مقابلہ کرنے کا واحد راستہ مسلح مزاحمت ہے، اسلامی اور عرب ممالک اور عالمی حریت پسندوں سے اپیل ہے کہ صہیونی حکومت سے برسرپیکار فلسطینیوں کے ساتھ اپنی یکجہتی اور حمایت کا اعلان کریں۔
حزب اللہ نے کہا ہے کہ تنظیم کی اعلی قیادت فلسطین کے حالات پر مکمل نظر رکھی ہوئی ہے اور فلسطین کے اندر اور باہر موجود مقاومتی رہنماؤں سے مسلسل رابطے میں ہے۔
بیان میں تاکید کی گئی ہے کہ فلسطینی جوانوں کی استقامت سے صہیونی حکومت کو درس عبرت لینا چاہیئے، آج کا آپریشن عرب دنیا اور اسلامی و عالمی حکومتوں مخصوصاً اسرائیل سے تعلقات قائم کرنے کی خواہش رکھنے والوں کے لئے پیغام ہے کہ فلسطین کی آزادی تک ہماری آرمانیں زندہ رہیں گی۔
یاد رہے کہ چند لمحے پہلے یمنی تنظیم انصاراللہ کے ترجمان محمد عبدالسلام نے سوشل میڈیا پر ایک پوسٹ میں ’’طوفان الاقصی‘‘ کی مناسبت سے فلسطینی مقاومت کو مبارک باد پیش کی تھی۔
