بشریت امام حسینؑ کی راہ پر چل کر ہی ظلم و استبداد سے محفوظ رہ سکتی ہے، آیت اللہ زکزکی
شیعیت نیوز: صرف اور صرف امام حسین علیہ السلام کی راہ پر چل کر ہی بشریت ظلم و استبداد سے محفوظ رہ سکتی ہے، یہ بات نائیجیریا کی تحریک اسلامی کے قائد آیت اللہ ابراہیم زکزکی نے کہی۔
نائیجیریا کی تحریک اسلامی کے قائد آیت اللہ زکزکی نے نائیجیریا کے دارالحکومت ابوجا میں ایران پریس کے نمائندے کے ساتھ گفتگو کرتے ہوئے اربعین حسینی کی اہمیت اور اس کے پیغام پر روشنی ڈالی۔
یہ بھی پڑھیں : وزیر اعظم ذاتی طور پر زائرین اربعین کی واپسی کے عمل کی نگرانی کر رہے ہیں، عراقی حکام
انہوں نے کہا کہ امام حسین علیہ السلام کا ایثار اور ان کی فداکاری ظلم و استبداد کے مقابلے میں انصاف اور حقیقت کی بالادستی کی خاطر تھی اور بشریت کے لئے ظلم و ستم سے محفوظ رہنے کا واحد راستہ امام حسین علیہ السلام کی نہج پر مزاحمت و استقامت ہے۔
آیت اللہ ابراہیم زکزکی نے اربعین حسینی کی کی مناسبت سے امت اسلامیہ، تمام مراجع کرام اور رہبر انقلاب اسلامی آیت اللہ العظمیٰ سید علی خامنہ ای کو تعزیت پیش کی۔
یہ بھی پڑھیں : غاصب صیہونی فوجیوں کے ہاتھوں جہاد اسلامی فلسطین کے سینیئر رہنما سعید نخلہ کی گرفتاری
تحریک اسلامی کے قائد آیت اللہ ابراہیم زکزکی نے یہ بات زور دے کر کہی کہ عصر حاضر میں لوگ مزاحمت و استقامت کی حامل حسینی راہ کو سمجھ چکے ہیں اور وہ اس نتیجے پر پہنچ گئے ہیں کہ شیعوں کے تیسرے امام نے حریت و آزادی کی راہ میں اپنی جان کا نذرانہ پیش کیا ہے۔
