مسلمانوں کو فکر حسینی اور بیداری کے پیغام گھر گھر پہنچانا ہوگا، علامہ سید حسن ظفر نقوی
شیعیت نیوز: معروف عالم دین اور خطیب علامہ سید حسن ظفر نقوی نے کہا کہ امام حسینؑ اور علمدار کربلا حضرت عباس علیہ السلام کربلا کے میدان میں جرأت و بہادری کی اعلیٰ مثال قائم کی اور یہ بات واضح کردی کہ جب تک مسلمان بیدار نہ ہوں تو ذلت و رسوائی نے نجات نہیں ملتی۔
یہ بھی پڑھیں : لاہور کی عزاداری مثالی ہے، علامہ سید احمد اقبال رضوی
یہ بات انہوں نے امام بارگاہ حیدر کرار اورنگی ٹاؤن میں منعقدہ عشرہ محرم کی مجلس سے خطاب کے دوران کہی۔
علامہ سید حسن ظفر نقوی نے مزید کہا کہ مسلمانوں کو فکر حسینی اور بیداری کے پیغام گھر گھر پہنچانا ہوگا اور سامراجی قوتوں کے خلاف ڈٹ کر بات کرنا ہوگی۔
ان کا کہنا تھا کہ یہی پیغام رسول اکرمؐ، حضرت علیؑ اور امام حسینؑ کا ہے کہ ہم یکجا ہوکر اسلام دشمن قوتوں کا مقابلہ کریں کیونکہ آج بھی دنیا بھر میں مسلمانوں کا قتل عام اور مقدسات کی بے حرمتی کا سلسلہ جاری ہے۔
یہ بھی پڑھیں : شیعہ لاپتہ افراد کا مسئلہ کسی تنظیم کا نہیں، شیعہ قوم کا مسئلہ ہے، علامہ سید ناظر عباس
علامہ سید حسن ظفر نقوی نے کہا کہ اسلامی دنیا ترقی و کامرانی کیلئے اسی در سے وابستگی اختیار کرے اور محمدؐ و آل محمدؑ کے پیروکار ہونے کا ثبوت دے، اس سلسلے میں رہبر معظم آیت اللہ سید علی خامنہ ای، آیت اللہ سید علی سیستانی اور سید حسن نصر اللہ کی مثال ہمارے سامنے ہے۔
