امریکی سی آئے کے سربراہ ولیم برنس کی یوکرینی صدر سے خفیہ ملاقات
شیعیت نیوز: یوکرین کی جنگ کی آگ مزید بھڑکانے کیلئے بد نام زمانہ امریکہ کی جاسوسی کی تنظیم سی آئی اے کے ڈائریکٹر ولیم برنس یوکرین پہنچے۔
امریکی میڈیا کے مطابق سی آئی اے کے ڈائریکٹر ولیم برنس نے یوکرین پہنچ کر وہاں کے صدر زیلنسکی اور یوکرین کے انٹیلی جنس حکام سے ملاقات کی۔
ولیم برنس کا یوکرین کا یہ دورہ ویگنر گروپ کی بغاوت سے پہلے ہوا تھا اور ولیم برنس کی ملاقات میں ویگنر گروپ کی بغاوت کا موضوع نہیں تھا۔ تاہم امریکہ نے اس دورے کو خفیہ رکھا تھا اور اب چند روز بعد اس دورے کی تفصیلات میڈیا کو جاری کی گـئی۔
یہ بھی پڑھیں : قرآن پاک کی بے حرمتی اور اس کی اجازت دینا قابل مذمت ہے، پوپ فرانسس
دوسری جانب ولادیمیر زیلنسکی نے کہا ہے کہ نیٹو یوکرین کے بارے میں واضح موقف اختیار کرے۔
یوکرین کے صدر ولادیمیر زیلنسکی نے نیٹو میں شمولیت کا باضابطہ دعوت نامہ مانگ لیا ہے، ان کا کہنا ہے کہ نیٹو اتحاد یوکرین کے بارے میں واضح موقف اختیار کرے۔
غیر ملکی میڈیا کے مطابق یورپی یونین کے صدر اور ہسپانوی وزیراعظم پیدرو سانچیز کے ساتھ پریس کانفرنس میں یوکرین کے صدر زیلنسکی کا کہنا تھا کہ یوکرین چاہتا ہے کہ جنگ کے بعد نیٹو میں شمولیت اختیار کرلے اور اس حوالے سے نیٹو کو چاہیے کہ جلد اور واضح موقف اپنائے۔
قبل ازیں زیلنسکی اور یوکرینی آرمی چیف ویلیزی زالورینی نے ہتھیار، گولہ بارود اور لڑاکا طیاروں کی فراہمی کیلئے مغرب پر دباؤ ڈالا۔
ان کا کہنا تھا کہ یوکرین میں روس سے جنگ کا اسلحہ کم پڑنے لگا ہے، یوکرین کو ایف 16اور پائلٹس کی تربیت کی ضرورت ہے۔
