پاراچنار دہشت گردی کے پیچھے وہی ہاتھ ہیں جو اصل مسائل سے عوام کی توجہ ہٹانا چاہتے ہیں، علامہ حسن ظفر نقوی
05 مئی, 2023 23:05
شیعیت نیوز: مجلس وحدت مسلمین پاکستان کے رہنما معروف عالم دین علامہ سید حسن ظفر نقوی نے کہا ہے کہ ایک بار پھر پاراچنار کو لہولہان کردیا گیا، ملت جعفریہ اس ظلم پر خاموش نہیں بیٹھے گی، دہشتگردی کو لگام دینے کے دعوے ہوا ہوگئے۔ ایک بیان میں معروف عالم دین نے کہا کہ ملک کے ہر حصے میں دہشت گرد دندناتے پھر رہے ہیں اور اقتدار کی کرسی پر براجمان لوگ صرف اپنی کرسی بچانے میں مصروف ہیں، پاراچنار میں اساتذہ کی شہادت حکمرانوں کے منہ پر طمانچہ ہے۔
یہ بھی پڑھیں: ایس یو سی اور ایم ڈبلیوایم کے تحت پاراچنار میں شیعہ اساتذہ کی ٹارگٹ کلنگ کے خلاف احتجاجی ریلی
علامہ سید حسن ظفر نقوی نے کہا کہ اس دہشت گردی کے پیچھے وہی ہاتھ ہیں جو اصل مسائل سے عوام کی توجہ ہٹانا چاہتے ہیں، شہداء کا خون رائیگاں نہیں جائے گا، ساری ملت شہداء کے خانوادوں کے غم میں برابر کی شریک ہے، ہم نے دہشت گردوں کے سامنے نہ کل سر جھکایا تھا اور نہ آج سر جھکائیں گے، ملت متحد رہے، ہمیں مل کر حالات کا مقابلہ کرنا ہے۔
