ایس یو سی اور ایم ڈبلیوایم کے تحت پاراچنار میں شیعہ اساتذہ کی ٹارگٹ کلنگ کے خلاف احتجاجی ریلی
انہوں نے کہا کہ یہ پاراچنار انتظامیہ کی نااہلی کا ثبوت ہے، یا تو اس علاقہ میں شیعہ اساتذہ کی ڈیوٹی نہ لگاتے یا پھر ان کی حفاظت کا بندوبست کرتے۔
شیعیت نیوز: ڈیرہ اسماعیل خان میں بعد از نماز جمعہ کوٹلی امام حسینؑ سے شیعہ علماء کونسل، جعفریہ اسٹوڈنٹس آرگنائزیشن ڈیرہ ڈویژن اور مجلس وحدت مسلمین کی طرف سے پاراچنار میں امتحانات کی ڈیوٹی پر مامور اساتذہ کرام کے قتل کے خلاف شیعہ علماء کونسل پاکستان کے مرکزی نائب صدر علامہ محمد رمضان توقیر کی قیادت میں احتجاجی ریلی نکالی گئی۔
احتجاجی ریلی میں علماء کرام اور عوام نے کثیر تعداد میں شرکت کی، انہوں نے شہید اساتذہ کے ساتھ ہمدردی کا اظہار کیا اور اس واقعے کی بھرپور مذمت کرتے ہوئے شدید غم و غصے کا ظاہر کیا۔ علامہ محمد رمضان توقیر نے خطاب کرتے ہوئے کہا کہ ہم پاراچنار اور ڈیرہ اسماعیل خان میں ہونیوالے دہشت گردی کے واقعات کی بھرپور مذمت کرتے ہیں، شناخت کرکے شیعہ اساتذہ کرام کو بے دردی سے قتل کیا گیا۔ اس سکول میں سینکڑوں طلباء اور دیگر اساتذہ بھی موجود تھے لیکن سات شیعہ اساتذہ کو دہشت گردی کا نشانہ بنایا گیا۔
یہ بھی پڑھیں: علامہ راجہ ناصرعباس نے سکیورٹی اداروں سے مخالفین کے کپڑے اتارنے کے بجائےعوام کےجان ومال کے تحفظ کا مطالبہ کردیا
انہوں نے کہا کہ یہ پاراچنار انتظامیہ کی نااہلی کا ثبوت ہے، یا تو اس علاقہ میں شیعہ اساتذہ کی ڈیوٹی نہ لگاتے یا پھر ان کی حفاظت کا بندوبست کرتے۔ علامہ محمد رمضان توقیر نے ڈیرہ اسماعیل خان میں دہشتگردی کے واقعہ کی مذمت کیساتھ ڈی ایس پی عابد اقبال اور دیگر ساتھیوں کی جوابی کارروائی کو بھی سراہتے ہوئے کہا کہ دہشتگردوں کیخلاف ڈی ایس پی عابد اقبال کی کاروائیوں کے ردعمل میں ان پر قاتلانہ حملہ کیا گیا۔ وہ زخمی ہوئے اور جوان مردی سے پلٹ کر وار کیا اور دہشت گردوں کو موقع پر ہی ہلاک کر دیا۔ انہوں نے کہا کہ اگر یہ دہشتگرد کامیاب ہو جاتے تو کسی اور جگہ دوبارہ دہشتگردی کے واقعات کرتے اور شہریوں کا خون بہاتے۔
