نابلس کے قصبے حوارہ میں اسرائیلی فوج کے ساتھ جھڑپوں میں 33 فلسطینی زخمی
شیعیت نیوز: جمعرات کی شام مقبوضہ مغربی کنارے کے شمالی علاقے نابلس کے قصبے حوارہ میں شہیدہ ایمان عودہ کی نماز جنازہ کے بعد اسرائیلی قابض فوج کے ساتھ جھڑپوں میں 33 شہری زخمی ہوگئے۔
ہلال احمر سوسائٹی نے اطلاع دی کہ اس کے عملے نے نابلس کے جنوب میں واقع قصبے حوارہ میں اسرائیلی قابض فوج کے ساتھ تصادم کے دوران 33 زخمیوں کو فوری طبی امداد فراہم کی۔
طبی ذرائع نے بتایا کہ زخمیوں میں سے پانچ شہری ربڑ کی گولیوں کا نشانہ بنے اور باقی آنسو گیس کی وجہ سے دم گھٹنے سے متاثر ہوئے۔
یہ بھی پڑھیں : قصر کریملن پر ڈرون حملے کی کوشش روس کا سخت ردعمل
ہلال احمر سوسائٹی نے کہا ہے کہ حوارہ میں گیس کی وجہ سے ایک گھر خالی کرنے کے علاوہ گیس میں دم گھٹنے کے نتیجے میں ایک بچے کو ابن سینا ہسپتال کے ایمرجنسی روم میں لے جایا گیا۔
تصادم اس وقت شروع ہوا جب شہیدہ ایمان زیاد عودہ جسے اس سے قبل اسرائیلی قابض فوج نے یہ دعویٰ کرتے ہوئے شہید کردیا تھا اس نے حوارہ قصبے میں چاقو سے اسرائیلی فوجیوں پر حملہ کیا تھا۔
جلوس جنازہ نابلس کے شہر رفیدیا ہسپتال سے شہید کی جائے پیدائش قصبہ حوارہ کے لیے روانہ ہوا، جہاں انہیں ان کے آبائی گھر میں شہید کا آخری دیدار کرایا گیا۔
یہ بھی پڑھیں : پاراچنار ایک بار پھر لہو لہو، پاک افغان بارڈر پر اسکول میں فائرنگ 7 شیعہ اساتذہ شہید
مقامی ذرائع نے بتایا کہ اسرائیلی قابض فورسز نے جنازے کے شرکاء کو قصبے کے وسط میں مرکزی گلی سے گزرنے سے روکا اور انہیں قبرستان تک پہنچنے کے لیے اندرونی سڑکوں پر جانے پر مجبور کیا۔
قابل ذکر ہے کہ اسرائیلی قابض فوج نے شہید عودہ (26 سالہ، شادی شدہ اور تین بچوں کی ماں) کو آج سہ پہر حوارہ قصبے کے وسط میں عینابس گول چکر کے قریب سینے کے علاقے میں گولی مار کر شہید کردیا۔
