صیہونی حکومت اور فوج میں ایک اور دراڑ، رزرو فوج کا نیتن یاہو کو انتباہ

شیعیت نیوز: اسرائیلی فوج کی رزرو یونٹوں نے نیتن یاہو کو خط لکھ کر متنبہ کیا ہے کہ اگر ان کی حکومت نے یکطرفہ قانونی اصلاحات کا بل پاس کیا تو اس سے رزرو فوج کا ڈھانچہ ختم ہو جائے گا۔

سما نیوز کے مطابق اسرائیلی فوج کے سپیشل آپریشنز کے 700 رزرو فوجیوں نے نیتن یاہو کو خط لکھ کر خبردار کیا ہے کہ حکومت کی جانب سے یک طرفہ قانونی اصلاحات کا بل پاس ہونے سے رزرو فوج کا ڈھانچہ ختم ہو جائے گا۔

یہ بھی پڑھیں : سوڈان کی خانہ جنگی میں 80 فلسطینی خاندان پھنسے ہوئے ہیں، فائز ابو عید

صیہونی ٹی وی 12 کی رپورٹ کے مطابق یہ خط لیکوڈ پارٹی کے ان شدت پسند افراد کے ان بیانات کے بعد لکھا گیا ہے جن میں انہوں نے کہا تھا کہ اگر مذاکرات ناکام ہو گئے تو اصلاحات یکطرفہ طور پر نافذ کر دی جائیں گی۔

صیہونی وزیر اعظم نیتن یاہو اور رزور فوج، بعض وزیروں، پولیس اور فوج کے سربراہوں کے درمیان قانون میں اصلاحات کو لے کر شدید اختلافات ہیں، اگرچہ عارضی طور پر نیا قانون منظور نہیں کیا گیا لیکن ان اصلاحات کے خلاف مظاہرے جاری ہیں۔

یہ بھی پڑھیں : عراق: عین الاسد ایئربیس امریکی فوجی چھاؤنی میں بڑے پیمانے پر ہتھیار داخل

صیہونی میڈیا رپورٹ کے مطابق گزشتہ روز بھی ڈیڑھ لاکھ سے زائد صیہونیوں نے مسلسل 17 ہفتے نئی قانونی اصلاحات کے خلاف مظاہرہ کیا۔

صیہونی اپوزیشن جماعتوں کو یقین ہے کہ نیتن یاہو کی طرف سے پیش کئے گئے قانون میں اصلاحات کے بل کا مقصد خود کو کرپشن کے الزامات سے بری کرانا ہے اور اسے سے قانونی نظام اپنی مستقل حیثیت کھو دے گا۔