اسرائیل کی دفاعی صلاحیت تشویشناک حد تک کمزور ہوگئی ہے، عاموس یادلین کا اعتراف

شیعیت نیوز: عاموس یادلین نے صہیونی ٹی وی چینل 12 سے گفتگو کرتے ہوئے کہا کہ حزب اللہ کو صہیونی حکومت پر میزائل حملے کی ضرورت نہیں ہے کیونکہ اندرونی بحران کی وجہ سے اسرائیل تباہی کی طرف بڑھ رہا ہے۔

المیادین نے خبر دی ہے کہ اسرائیلی خفیہ ادارہ برائے داخلی امور کے سابق سربراہ عاموس یادلین نے تشویش کا اظہار کرتے ہوئے کہا کہ اسرائیلی کی دفاعی صلاحیت کو وسیع پیمانے پر نقصان پہنچا ہے۔

انہوں نے غزہ میں حماس کے اعلی رہنما یحیی السنوار اور تنظیم کے سیاسی دفتر کے معاون صالح العاروی کو گذشتہ دنوں غزہ اور مغربی کنارے سے صہیونیوں پر ہونے والے میزائل حملوں کا اصلی ذمہ دار قرار دیا اور مذکورہ رہنماوں کو ٹارگٹ بنانے کا مطالبہ کیا۔

انہوں نے غزہ اور لبنان ہونے والے میزائل اور راکٹ حملوں کے بعد اسرائیل کی خاموشی پر تنقید کرتے ہوئے کہا کہ مقاومت کو جواب نہ دینا اسرائیل کی کمزوری ہے۔

یہ بھی پڑھیں : شام، جبہۃ النصرہ کے دہشت گرد حملے کی تیاری میں مصروف

اس سے پہلے اعلی صہیونی رہنماوں اور دفاعی تجزیہ کاروں نے بھی اسرائیل کی دفاعی صلاحیت کے بارے میں خدشات کا اظہار کیا تھا۔ وزیر جنگ آئیگور لیبرمن نے کہا تھا کہ صہیونی حکومت کے جوابی حملوں کو لوگ لطیفہ سمجھتے ہیں۔ اسرائیل کے اندر حزب اللہ کا مقابلہ کرنے کی سکت نہیں ہے۔

صہیونی صدر اسحاق ہرٹزوگ نے بھی کہا تھا کہ اسرائیل کے داخلی اختلافات اور بحران کی وجہ سے دشمن خوش ہورہے ہیں۔

حسن نصراللہ اطمینان کے ساتھ اسرائیل کو مکڑی کا جالا قرار دیتے ہیں۔ اسرائیلی عوام سمجھتے ہیں کہ صہیونی حکومت کے ساتھ ان کا رابطہ ختم ہوچکا ہے اور اسرائیل اپنے بدترین انجام سے روز بروز نزدیک ہورہا ہے۔

واضح رہے کہ ماہ رمضان میں مسجد اقصیٰ کی بے حرمتی کی وجہ سے مقاومتی محاذ نے کئی مرتبہ فلسطین اور لبنان سے مقبوضہ علاقوں پر میزائلوں اور راکٹوں کی بارش کی تھی۔