ماہ مبارک رمضان کا تیسرا جمعہ، مسجد الاقصی میں دسیوں ہزار نمازی سر بسجو
شیعیت نیوز: دسیوں ہزار فلسطینیوں نے ماہ مبارک رمضان کے تیسرے جمعے کو مسجد الاقصی میں شاندار انداز میں نماز جمعہ ادا کی۔
صیہونیوں کے گذشتہ دنوں کے وحشیانہ اقدامات اور پابندیوں کے باوجود غرب اردن اور بیت المقدس کے دسیوں ہزار فلسطینیوں نے مسجد الاقصی میں ماہ مبارک رمضان کے تیسرے جمعہ کی نماز کے روح پرور اجتماع میں شرکت کی سوشل میڈیا پر جاری ہونے والے ویڈیو فوٹیج میں دیکھا جا سکتا ہے کہ فلسطینی شہریوں نے پرجوش انداز میں نماز جمعہ میں شرکت کی
یہ ایسی حالت میں ہے کہ گذشتہ چند روز سے بیت المقدس، غرب اردن اور غزہ پٹی میں حالات انتہائی نازک ہیں۔
یاد رہے کہ صیہونی فوجیوں نے گذشتہ دنوں مسجد الاقصی کے صحن میں واقع مسجد القبلی پر حملہ کرکے نمازیوں اور اعتکاف کرنے والوں کو زد و کوب کیا تھا۔ صیہونیوں کے اس حملے میں کم سے کم سو فلسطینی زخمی اور چار سو کے قریب گرفتار ہوئے تھے۔ صیہونیوں نے مسجد القبلی میں اعتکاف کرنے والے فلسطینیوں کو زبردستی مسجد سے نکال باہر کرنے کی کوشش کی تھی۔
یہ بھی پڑھیں : لبنان کے جنوب سے صہیونی بستیوں کی جانب تقریباً 100 راکٹ فائر کیے گئے ہیں
یہودیوں کی عید فسح کے بہانے نہ صرف نمازیوں کو مسجد الاقصی میں داخل ہونے سے روکا گیا بلکہ فلسطینیوں پر غاصب صیہونیوں کے حملے کی حمایت بھی کی گئی۔
انتہا پسند صیہونیوں نے اعلان کیا تھا کہ عید فسح کے بہانے مسجد الاقصی میں جانوروں کی قربانی کی جائے گی، تاہم انہیں فلسطینی عوام اور استقامتی افواج کے شدید انتباہ کا سامنا کرنا پڑا۔
فلسطینی مجاہدوں نے خبردار کیا تھا کہ مسجد الاقصی ہماری ریڈلائن ہے اور اگر کسی نے بھی اسے پار کرنے کی کوشش کی تو اسے ملت فلسطین کے غیظ و غضب کا سامنا کرنا پڑے گا۔
یاد رہے کہ مسجد الاقصی اور وہاں پر موجود نمازیوں کو مسلسل نشانہ بنائے جانے کے جواب میں غزہ میں موجود فلسطینی استقامتی گروہوں نے صیہونی کالونیوں پر راکٹ برسانا شروع کردیئے جس کے نتیجے میں مقبوضہ سرزمینوں میں تہلکہ مچ گیا۔
