امریکی اعلیٰ سطحی وفد کا دورہ سعودی عرب

شیعیت نیوز: ایک بیان میں امریکی محکمہ خارجہ نے واشنگٹن سے ریاض کے ایک امریکی اعلیٰ سطحی وفد کے چار روزہ دورے کا اعلان کیا، جس میں مربوط فضائی اور میزائل دفاعی نظام کے تین امور، ایران اور دہشت گردی کے خلاف جنگ پر توجہ مرکوز کی گئی ہے۔

امریکی اعلیٰ سطحی وفد 13 سے 16 فروری تک اپنے دورے کے دوران مشترکہ ورکنگ گروپ کے اجلاسوں میں مشترکہ ترجیحات پر تبادلہ خیال کرے گا۔

یہ بھی پڑھیں : عالمی شہرت یافتہ معروف میزبان، صداکار و ہدایت کار ضیاء محی الدین انتقال کرگئے، نماز جنازہ امام بارگاہ یثرب میں ادا

وائٹ ہاؤس کے اعلیٰ سطحی وفد کی سربراہی ایران کے لیے امریکہ کے خصوصی نمائندے رابرٹ میلے، انسداد دہشت گردی اور داعش کے خلاف اتحاد کے لیے امریکہ کے عبوری خصوصی ایلچی کرسٹوفر لینڈبرگ، امریکی نائب معاون وزیر خارجہ ڈینیئل بینائم اور مشرق وسطیٰ کے لیے امریکی نائب معاون وزیر دفاع کرسٹوفر لینڈبرگ کر رہے ہیں۔

بیان میں مزید کہا گیا کہ اس ورکنگ گروپ کے تین اجلاسوں میں ترجیحات کی تین اقسام کا جائزہ لیا جائے گا ( مربوط اینٹی میزائل اور اینٹی ایئر کرافٹ ڈیفنس سسٹم اور میری ٹائم سیکیورٹی، ایران کا مسئلہ اور دہشت گردی کے خلاف جنگ)۔

یہ بھی پڑھیں : طاغوت کو ایبسلوٹلی ناٹ کہنا قرآنی حکم ہے،انقلاب اسلامی ایران نے امریکی استعماریت کی سپر میسی کو ملیا میٹ کر دیا،علامہ راجہ ناصرعباس جعفری

امریکی محکمہ خارجہ نے اس بات پر زور دیا کہ یہ ملاقاتیں متعدد مسائل میں تعاون کے ذریعے علاقائی سلامتی اور استحکام کو آگے بڑھانے کے لیے امریکہ اور خلیج فارس تعاون کونسل کے اراکین کے مشترکہ عزم کو ظاہر کرتی ہیں۔