امریکہ کی خونخوار خفیہ ایجنسی سی آئی اے کے سربراہ کا اسرائیل کا خفیہ دورہ

شیعیت نیوز: صیہونی میڈیا نے رپورٹ دی ہے کہ امریکہ کی خونخوار خفیہ ایجنسی سی آئی اے کے سربراہ نے حالیہ دنوں میں مقبوضہ علاقوں کا سفر کیا اور موساد کے سربراہ سے ملاقات کی۔

صیہونی ذرائع نے جمعے کی صبح اعلان کیا کہ امریکہ کی خونخوار خفیہ ایجنسی سی آئی اے کے سربراہ ’’ولیم برنز‘‘ نے حال ہی میں مقبوضہ علاقوں کا سفر کیا۔

صیہونی چینل "کان” نے اطلاع دی ہے کہ سیکورٹی کشیدگی کے سائے میں سی آئی اے کے سربراہ نے حال ہی میں مقبوضہ علاقوں کا دورہ کیا اور اس حکومت کے اعلیٰ حکام سے ملاقاتیں کیں جن میں اسرائیل کی خونخوار خفیہ جاسوسی ایجنسی کے سربراہ ڈیوڈ برنی بھی شامل تھے۔

اس رپورٹ کے مطابق یہ دورہ ایسے وقت میں کیا گیا ہے کہ جب صیہونی میڈیا کو آج اس خبر کو شائع کرنے کی اجازت مل گئی ہے۔

یہ دورہ ایسے وقت میں کیا گیا جب گزشتہ دنوں مزاحمتی گروہوں اور صیہونی حکومت کی افواج کے درمیان کشیدگی میں شدت آئی ہے۔

یہ بھی پڑھیں : عراق کی اسپائیکر چھاؤنی کے قتل عام میں ملوث 14 دہشت گردوں کو پھانسی کی سزا

دوسری جانب صہیونی وزیر اعظم نے کہا کہ فلسطینی نوجوان کی مقبوضہ بیت المقدس کے بیچوں بیچ استشہادی کارروائی حالیہ برسوں میں اسرائیل کے خلاف بدترین حملہ ہے۔

رپورٹ کے مطابق غیر ملکی میڈیا نے خبر دی ہے کہ غاصب صہیونی وزیراعظم بنجمن نیتن یاہو نے مقبوضہ بیت المقدس میں ایک نوجوان فلسطینی کی استشہادی کارروائی پر ردعمل دیتے ہوئے کہا کہ ہم نے حالیہ برسوں میں اسرائیل کے خلاف بدترین حملے کا مشاہدہ کیا۔

خیال رہے کہ جمعہ کی شام 21 سالہ شہید ’’خیری علقم‘‘ نے جنین پناہ گزین کیمپ میں قابض صہیونی فوج کے تازہ ترین قتل عام کے جواب میں مقبوضہ بیت المقدس کے نافیہ محلے میں استشہادی کارروائی کرتے ہوئے 8 صہیونیوں کو ہلاک اور کم از کم 10 کو زخمی کردیا۔