شیعیت نیوز: روسی وزیرِ خارجہ سرگئی لاوروف نے کہا ہے کہ ایران اور روس کے درمیان دفاعی صنعتوں کا تعاون مکمل طور پر بین الاقوامی قوانین کے مطابق ہے اور کسی بھی عالمی اصول کی خلاف ورزی نہیں کرتا۔
انہوں نے کہا کہ خطے کے متعدد ممالک روسی جوہری توانائی اور جدید ٹیکنالوجی میں گہری دلچسپی ظاہر کر رہے ہیں، جو عالمی سطح پر روس کے سائنسی و دفاعی اثر و رسوخ کا مظہر ہے۔
یہ بھی پڑھیں: نتن یاہو کی شرم الشیخ امن کانفرنس میں شرکت سے اچانک انکار
لاوروف نے مصر میں ہونے والی غزہ امن کانفرنس کی جانب اشارہ کرتے ہوئے امید ظاہر کی کہ اجلاس کامیاب ثابت ہوگا، کیونکہ اب بھی کئی معاملات حتمی شکل اختیار نہیں کر سکے۔
انہوں نے سابق امریکی صدر ڈونلڈ ٹرمپ کے منصوبے کو صرف غزہ تک محدود قرار دیتے ہوئے کہا کہ مغربی کنارے کا مستقبل بھی اسی طرح طے کیا جانا ضروری ہے۔
روسی وزیرِ خارجہ نے زور دیا کہ مشرقِ وسطیٰ میں دیرپا امن کے لیے آزاد فلسطینی ریاست کا قیام ناگزیر ہے جسے اقوامِ متحدہ کی واضح حمایت حاصل ہونی چاہیے۔
