ایرانی ہلال احمر کے رضاکاروں کی اربعین مارچ کے لئے روانگی
شیعیت نیوز: ایرانی ہلال احمر کےسربراہ پیر حسین کولیوند نے امام خمینی (رہ)کے مزار کے احاطے میں اربعین مارچ کی تقریبات کا یاحسین کے کوڈ ورڈ کے ساتھ افتتاح کیا۔
انہوں نے تقریب کے اختتام پر اعلان کیا کہ یہ ہلال احمر کے رضا کاروں کی روانگی کا آخری مرحلہ ہے جنہیں ملک کی مغربی اور جنوب مغربی سرحدوں اور عراق میں معین کئے گئے مقامات پر روانہ کیا جا رہا ہے۔
یہ بھی پڑھیں : رہبر معظم کی موجودگی میں حرم امام رضا علیہ السلام میں غبار روئی کی روح پرور تقریب
مزار کے احاطے میں امام خمینی(ع) اور شہدا سے تجدید عہد کے لئے ایرانی ہلال احمر کی ایمولنس سروس کے دستے نے پریڈ کا مظاہرہ کیا۔
اس موقع پر سربراہ ہلال احمر کا کہنا تھا ہم نے ہلال احمر کے قافلے کی روانگی اور الوداع کی تقریب کو امام خمینی کے مزار سے شروع کیا ہے تا کہ اپنے عزیز امام اور شہدا سے درخواست کرسکیں کہ ہمیں امام حسین (ع) اور حضرت عباس (ع) کے زائرین کی خدمت کرنے میں بہترین توفیقات حاصل ہونے وسیلہ بنیں۔
یہ بھی پڑھیں : صدر دھڑے کے حامی فسادیوں کا عراقی صدارتی محل پر حملہ، سعودی چینل کی شیطنت برملا
انہوں نے دعائیہ انداز میں کہا کہ اے اللہ آپ گواہ رہیں کہ آج وہ نوجوان مقامات مقدسہ کی طرف روانہ ہورہے ہیں جو عشق و محبت کے تیرے بندوں کے آلام و درد دور کرنے کے لئے اپنی جان تک دینے کے لئے تیار ہیں۔
ان کا کہنا تھا کہ ایرانی ہلال احمر کے بہت زیادہ رضاکاروں اربعین مارچ کے لئے اپنا نام لکھوایا تھا جن میں امدادی عملہ، ڈاکٹرز، نرسز اور دیگر رضا کار شامل تھے تاہم افسوس کے ساتھ کہنا پڑ رہا ہے کہ ان کی ایک بڑی تعداد کو قافلے میں شامل نہیں کیا جاسکا کیونکہ رضاکاروں کا اندراج ہماری ضرورت سے بہت زیادہ تھا۔
