اگلی جنگ اسرائیل کے آخری جنگ ہوگی، حسن البغدادی

شیعیت نیوز: تحریک حزب اللہ لبنان کی مرکزی کونسل کے رکن حسن البغدادی نے خبردار کیا ہے کہ اگر صیہونی حکومت نے اس ملک پر حملہ کیا تو اس کی زندگی ختم ہو جائے گی۔ حزب اللہ لبنان کا کہنا ہے کہ اگلی جنگ میں اسرائیل دم توڑ دے گا۔

فارس نیوز ایجنسی کی رپورٹ کے مطابق، حزب اللہ کی مرکزی کونسل کے رکن حسن البغدادی نے عبوری صیہونی حکومت کو کسی بھی جارحیت کے خلاف خبردار کیا۔

یہ بھی پڑھیں : جلیل القدر عالم ، معلم اخلاق ، عاشق امام زمانہ عج آیت اللہ محمد علی ناصری دولت آبادی رحلت فرماگئے

لبنان کی سرکاری خبر رساں ایجنسی نے حسن البغدادی کے حوالے سے خبر دی ہے کہ اسرائیلی دشمن نے پچھلے چالیس برسوں میں حزب اللہ کی طاقت، صداقت اور دیانت کو سمجھ لیا ہے اور حزب اللہ کے ساتھ چھوٹی اور بڑی جنگوں کا تجربہ بھی کیا ہے۔

انہوں نے اس بات کی طرف اشارہ کرتے ہوئے کہ حزب اللہ نے ان جنگوں میں اس حکومت کے خلاف کامیابی حاصل کی ہے بالخصوص صیہونی حکومت کو رسوا کرنے والی 33 روزہ جنگ میں حزب اللہ نے صیہونی حکومت کو شکست کا مزہ چکھایا اور اس پر دفاعی پوزیشن مسلط کر دی ۔

یہ بھی پڑھیں : سعودی ولی عہد شہزادہ بن سلمان کا خطرناک چہرا پھر سامنے آیا

حزب اللہ کے اس عہدیدار نے تاکید کی کہ ہم ایک ایسی طاقت بن گئے ہیں جس کی عصری تاریخ میں کوئی مثال نہیں ملتی۔

حزب اللہ کے عہدیدار حسن البغدادی نے خبردار کیا کہ لبنان پر کسی بھی اسرائیلی حملے کا جواب جارحیت کی نوعیت کے متناسب ہوگا اور اگر یہ تیسری جنگ تک پہنچ گئی تو یہ آخری جنگ ہوگی اور اس کے ساتھ ہی یہ حکومت بھی ختم ہوجائے گی۔ ہم یقینی طور پر کسی اور غاصبانہ قبضے کا مشاہدہ نہیں کریں گے۔