ایک ماہ بعد پھر کیف پر روس کے میزائل حملے پھر سے شروع ہوگئے

شیعیت نیوز: روس نے ایک ماہ بعد پھر سے کیف پر میزائل حملے شروع کردیئے ہیں اور اعلان کیا ہے کہ اگر یوکرین کوزیادہ رینج کے میزائل بھیجے گئے تو وہ اس کے دیگر علاقوں کو بھی حملے کا نشانہ بنائے گا۔

کہا جا رہا ہے کہ کیف پر روسی فوج کے حالیہ حملوں کے بعد کیف کے آسمان پر دھوئیں کے گہرے بادل اٹھتے نظر آ رہے ہیں۔

یہ بھی پڑھیں : تمام مسلم ممالک کو بھارت کے ساتھ تجارتی و سفارتی تعلقات فوری طور پر منقطع کر کے ختمی مرتبت حضرت محمد ۖ سے اپنے عشق و مودت کو واضح کرنا ہو گا،علامہ راجہ ناصرعباس

یوکرین کا کہنا ہے کہ اس کی وجہ ، مال گاڑی کے ریلوے ٹریک پر میزائل گرنا ہے تاہم روس کا کہنا ہے کہ یہ یوکرین کے لئے یورپ کے بھیجے گئے ٹینکوں پر روس کے میزائلی حملے کا نتیجہ ہے ۔

یوکرین ریلوے نے تصدیق کی ہے کہ مشرقی کیف میں ایک ریل ویگن کی تعمیر کے کارخانے پر چار میزائل گرے ہیں۔

کیف پر روسی فوج کا کل کا حملہ اپریل کے بعد سے پہلا بڑا حملہ ہے ۔

یہ بھی پڑھیں : نائیجیریا کے چرچ میں مذہبی اجتماع کے موقع پر دہشت گردانہ حملہ، 50 ہلاک

روس نے اب اپنے حملے مشرقی و جنوبی یوکرین کی فرنٹ لائن پر مرکوز کردیئے ہیں اور بعض اوقات وہ دیگر مقامات پر بھی حملے کرتا ہے جس کا مقصد یوکرین کی فوجی تنصیبات کو تباہ کرنا اور مغرب کے ہتھیاروں کی ترسیل کو روکنا ہے ۔

واشنگٹن نے گذشتہ ہفتے اعلان کیا تھا کہ وہ یوکرین کے لئے درمیانی فاصلے تک مار کرنے والا جدید ترین میزائل بھیج رہا ہے۔

روسی صدر ولادیمیرپوتین نے انتباہ دیا ہے کہ اگر واشنگٹن نے یوکرین کو لمبی دوری تک مار کرنے والے میزائل دیئے تو ہم ان اہداف کو بھی نشانہ بنائیں گے جن پر اب تک حملہ نہیں کیا ہے ۔