امت مسلمہ کے ٹھیکیدار متحدہ عرب امارات اور دہشتگرد مملکت اسرائیل کےدرمیان فری ٹریڈ کا معاہدہ

شیعیت نیوز: امت مسلمہ کے ٹھیکیدار متحدہ عرب امارات اور دہشتگرد مملکت اسرائیل کےدرمیان فری ٹریڈ کا معاہدہ۔اسرائیل اور متحدہ عرب امارات نے آزاد تجارتی معاہدے پر دستخط کر دیئے، جو کسی بھی عرب ملک کے ساتھ اسرائیل کا پہلا بڑا تجارتی معاہدہ ہے۔ عالمی خبر رساں ادارے کے مطابق اسرائیل اور متحدہ عرب امارات کے درمیان تجارت کو فروغ دینے کے لیے فری ٹریڈ ڈیل طے پاگئی، جس پر دونوں ممالک کے حکام نے دبئی میں دستخط کر دیئے۔ یہ معاہدہ مہینوں پر مشتمل مذاکرات کے بعد طے پایا۔

یہ بھی پڑھیں: سابق وی سی بلتستان یونیورسٹی کو بلتستان کے امن کو تباہ کرنے کیلئے لانچ کیا گیا ہے، وزیر زراعت کاظم میثم

ایک تقریب میں آزاد تجارت کے معاہدے پر دستخط کی تصدیق متحدہ عرب امارات میں اسرائیل کے سفیر عامر ہائیک نے اپنی ٹوئٹ میں بھی کی۔ وہ پہلے ہی اس معاہدے کو خطے میں تجارتی فروغ کا سنگ میل قرار دے چکے ہیں۔ اسی طرح اسرائیل میں متحدہ عرب امارات کے سفیر محمد الخجا نے کہا کہ یہ معاہدہ ایک بے مثال کامیابی ہے۔ دونوں ممالک کے تاجروں کو مارکیٹوں تک کم ٹیرف میں تیز تر رسائی ملے گی، جس سے دوطرفہ تجارت میں اضافہ ہوگا۔

یہ بھی پڑھیں: کالعدم تکفیری وہابی تنظیم کا معروف دہشتگرد مولوی صدام حسین گرفتار

اسی طرح امارات، اسرائیل بزنس کونسل کے صدر ڈوریئن باراک نے کہا کہ تجارتی معاہدے میں ٹیکس کی شرح، درآمدات اور دانشورانہ املاک کی وضاحت کی گئی ہے، جس سے مزید اسرائیلی کمپنیوں کو متحدہ عرب امارات بالخصوص دبئی میں دفاتر قائم کرنے کی ترغیب ملے گی۔ واضح رہے کہ امریکا کی ثالثی میں 2020ء کو متحدہ عرب امارات نے اسرائیل کے ساتھ سفارتی اور تجارتی تعلقات بحال کر لیے تھے اور دونوں ممالک کے درمیان دوطرفہ تجارت میں اضافہ ہوا ہے۔