روس کا خوف، امریکہ نے بین البراعظمی بیلسٹک میزائل تجربہ منسوخ کر دیا

شیعیت نیوز: پینٹاگون نے روس کی جوہری فورس کے الرٹ ہونے کی صورت میں اپنا بین البراعظمی بیلسٹک میزائل کا تجربہ منسوخ کر دیا۔

فارس نیوز ایجنسی کی رپورٹ کے مطابق پینٹاگون کے حکام نے حالیہ دنوں میں ایک بین البراعظمی بیلسٹک میزائل کا ایک منصوبہ بند تجربہ منسوخ کر دیا ہے تاکہ روس کی ایٹمی فورس کے الرٹ ہونے کی صورت میں کوئی غلط پیغام نہ جانے پائے۔

رشا ٹو ڈے نیوز ویب سائٹ کے مطابق، منٹ مین-3 بین البراعظمی بیلسٹک میزائل کے تجربے کو منسوخ کرنے کے فیصلے کا اعلان سب سے پہلے جمعے کو امریکی فضائیہ کے ترجمان نے کیا۔

امریکی فضائیہ کے ترجمان این سٹیفنیک نے کہا کہ بین البراعظمی بیلسٹک میزائل کا تجربہ مکمل طور پر منسوخ کر دیا گیا ہے۔

انہوں نے مزید کہا کہ فضائیہ امریکی اسٹریٹجک فورسز کی تیاری پر پراعتماد ہے اور اگلا ٹیسٹ اس سال کے آخر میں شیڈول ہے۔

یہ بھی پڑھیں : صیہونی دارالحکومت تل ابیب خوفناک دھماکہ سے لرز اٹھا

پینٹاگون کے ترجمان ٹوڈ برائسل نے بھی اس بات کی تصدیق کی کہ یہ ٹیسٹ اس خدشے کے پیش نظر منسوخ کیا گیا کہ ماسکو اسے ایک بڑھتا ہوا خطرہ سمجھ سکتا ہے۔

انہوں نے این بی سی نیوز کو بتایا کہ یوکرین پر روس کے حملے کے دوران غلط فہمیوں کو روکنے کے لیے ضرورت سے زیادہ احتیاط برتنے کی وجہ سے لانچ میں تاخیر ہوئی۔

سائلو سے فائر کیا جانے والا منٹ مین- 3 میزائل متعدد وار ہیڈ لے جا سکتا ہے اور میلوں دور الگ الگ اہداف پر حملہ کر سکتا ہے۔ اس کی رینج 6,000 میل سے زیادہ ہے اور یہ 15,000 میل فی گھنٹہ کی رفتار سے سفر کر سکتا ہے۔

امریکی فضائیہ کے پاس 400 فعال منٹ مین میزائل ہیں اور وہ عام طور پر ہر سال چار تجربے انجام دیتی ہے۔

یوکرین پر مغرب کے ساتھ ماسکو کی کشیدگی کے درمیان، روسی صدر نے ملک کے جوہری ڈیٹرنٹ کو تیار رہنے کا حکم دیا۔