فلسطین میں ’یوم الارض‘ کے موقع پر صیہونی قابض فوج کا فلسطینیوں پر تشدد

شیعیت نیوز: صیہونی قابض فوج نے یہودی آباد کاروں کی معاونت کرتے ہوئے مغربی کنارے میں فلسطینی شہریوں اور ان کی املاک پر غیرمسبوق حملے کیے اور فلسطینیوں کو تشدد کا نشانہ بنایا گیا۔

صیہونی کشیدگی فلسطینیوں کی جانب سے یوم اراضی کی 46ویں سالگرہ کے موقع پر مختلف سرگرمیوں کے ساتھ منائی گئی۔ یہ سرگرمیاں پورے فلسطین اور بیرون ملک فلسطینیوں نے بھی کیں۔

القدس میں صیہونی قابض فوج نے جمعرات کی شام مقبوضہ بیت المقدس کے علاقے باب العامود سے ایک نوجوان کو حراست میں لے لیا۔

مقامی ذرائع نے اطلاع دی ہے کہ قابض اسرائیلی فوج نے ایک نوجوان کو گرفتار کیا – جس کی شناخت معلوم نہیں تھی- القدس کے علاقے باب العامود سے فلسطینی شہری کی گرفتاری کے دوران اس کے گھر میں توڑپھوڑ اور لوٹ مار بھی کی گئی۔

جمعرات کی شام قابض اسرائیلی فوج نے القدس کے پرانے شہر میں عرب اسٹڈیز ایسوسی ایشن کے  اسکالر مازن الجعبری کے گھر پر دھاوا بول دیا۔

محقق الجبعری نے کہا کہ قابض انٹیلی جنس کی ایک فورس اور اس کی پولیس نے وحشیانہ انداز میں اس کے گھر پر دھاوا بولا اور دھمکی دی کہ اگر وہ رمضان کے مہینے میں خاموش اور پرسکون نہ رہے تو اسے گرفتار کر لیں گے۔

یہ بھی پڑھیں : خالد مشعل کا فدائی حملہ آور ضیا حمارشہ کو خراج عقیدت پیش

دوسری جانب صیہونی قابض فوج نے مسجد اقصیٰ سے بڑی تعداد میں بیت المقدس کے شہریوں کی گرفتاریوں اور ملک بدری کی مہم شروع کی ہے۔

قابض حکام نے رمضان المبارک کے دوران حالات کے بگڑنے کے خدشے کے پیش نظر 17 شہریوں  کی گرفتاری اور انہیں انتظامی حراست میں منتقل کرنے کا اعلان کیا۔

بیت المقدس کے ذرائع نے اطلاع دی ہے کہ قابض فوج نے دو نوجوانوں عبادہ اور عبداللہ صیام کو مسجد اقصیٰ کے جنوب میں سلوان کے علاقے وادی حلوہ سے گرفتار کیا۔

صیہونی قابض فوج نے الطور قصبے سے دو نوجوانوں ایہاب الحضرہ اور سراج ابو سبطان کو بھی گرفتار کیا جب کہ نوجوان رامی الفخوری کو مسجد اقصیٰ سے نکال دیا گیا۔

مسلسل تیسری بار صیہونی قابض فوج نےسابق فلسطینی قیدی یعقوب ابو عصب کے خلاف مشرقی القدس کے محلوں سے بے دخل کردیا۔

ابو عصب نے تقریباً 15 سال قابض ریاست کی جیلوں میں گزارے اور 2018 میں قید سے رہا ہوئے تھے۔