انسانی حقوق کی 137 عرب تنظیموں نے یمن میں جنگ کے خاتمے کا مطالبہ کیا

شیعیت نیوز: ذرائع ابلاغ نے کہا ہے کہ انسانی حقوق کی 137 عرب تنظیموں اور اداروں نے یمن میں جنگ کے خاتمے کا مطالبہ کیا ہے۔

ارنا نیوز ایجنسی نے المسیرہ کے حوالے سے نقل کیا ہے کہ انسانی حقوق کی 137 عرب تنظیموں اور اداروں نے ایک بیان میں کہا ہے کہ عالمی برادری اور خاص طور پر اقوام متحدہ اور متعلقہ اداروں کی خاموشی اور بے حسی کی وجہ سے یمن کے خلاف جارحانہ جنگ ہو رہی ہے۔ ان تنظیموں کی خاموشی کی وجہ سعودی عرب اور متحدہ عرب امارات کی مالی امداد کے منقطع ہونے کا خوف ہے۔

اس ایک بیان میں کہا گیا ہے کہ یمنی اداروں اور انسانی حقوق کی تنظیموں کے اعدادوشمار بتاتے ہیں کہ یمن میں گزشتہ سات سالوں میں جنگی جرائم، جارحیت اور انسانیت کے خلاف جرائم کا ارتکاب کیا گیا ہے۔

یہ بھی پڑھیں : صیہونی حکومت نے بحرین کے لئے اپنا ملٹری اتاشی معین کر دیا

انسانی حقوق اور سول سوسائٹی کی تنظیموں نے بھی دنیا کے آزاد مردوں، عورتوں اور انسانی حقوق کی حامیوں سے یمن کے خلاف جنگ کے خاتمے کے لیے دباؤ ڈالنے کا مطالبہ کیا۔

بیان میں انہوں نے جارح ممالک کی طرف سے جنگ کے خاتمے اور یمن خاص طور پر الحدیدہ کی بندرگاہ اور صنعا بین الاقوامی ہوائی اڈے کے محاصرے کے فوری خاتمے اور اس ملک میں کھانے پینے کی اشیاء، ادویات، طبی آلات اور سامان کے داخلے پر بھی زور دیا۔

ان تنظیموں نے جارح ممالک کی جانب سے معافی مانگنے اور جارحیت کے نتیجے میں یمن کو پہنچنے والے نقصان کا ازالہ کرنے کی ضرورت پر زور دیا۔

یمن کی قومی سالویشن حکومت میں قیدیوں کو امور کی قومی کمیٹی کے سربراہ عبدالقادر المرتضی نےبھی اتوار کے روز کہا کہ ہم نے سعودی عرب کے ساتھ 2223 قیدیوں کے تبادلے پر اتفاق کیا ہے۔

قابل ذکر ہے کہ یمنی فورسز نے سعودی عرب کی یمن پر جارحت اور بربریت کے جواب میں جدہ اوردارالحکومت ریاض کے چند بڑے مراکز کو میزائل کا نشانہ بنایا۔