ایک ماہ میں سعودی زرمبادلہ میں 9 ارب ڈالر کی کمی

شیعیت نیوز: الخلیج الجدید اخبار نے لکھاکہ سعودی عرب کے زرمبادلہ کے ذخائر میں گزشتہ ماہ 9 ارب ڈالر کی کمی ہوئی۔

الخلیج الجدید اخبار کی رپورٹ کے مطابق سعودی عرب کے زرمبادلہ کے ذخائر میں گزشتہ ماہ 9 ارب ڈالر کی کمی ہوئی۔ نقدی ذخائر کی سطح پر سعودی عرب کے مرکزی بینک کے غیر ملکی ذخائر کے اثاثوں میں گزشتہ دسمبر تک ماہانہ بنیادوں پر 1.9 فیصد کی کمی واقع ہوئی، جو 1707.6 بلین ریال (455.4 بلین ڈالر) تک پہنچ گئی، جس میں تقریباً 9 ارب ڈالر کی کمی واقع ہوئی۔

الخلیج الجدید نے لکھاکہ سعودی عرب کے مرکزی بینک کی جانب سے پیر کو جاری کردہ رپورٹ کے مطابق، گزشتہ نومبر تک سعودی عرب کے غیر ملکی ذخائر کے اثاثے 1,741.5 بلین ریال ($464.4 بلین) تک پہنچ گئے۔

یہ بھی پڑھیں : امام محمد باقر علیہ السلام نے محبان اہلبیت ع کو مشکل ترین دور میں بھی تنہا نہیں چھوڑا، علامہ راجہ ناصرعباس

سعودی عرب کے مرکزی بینک کے غیر ملکی ذخائر کے اثاثے ماہانہ بنیادوں پر 3.2 فیصد کم ہو کر 1690.5 بلین ریال ($450.8 بلین) ہو گئے۔

واضح رہے کہ تیل پر انحصار کرنے والے سعودی عرب کی آمدنی کورونا وائرس کی وبا کے باعث گرتی ہوئی قیمتوں اور خام تیل کی طلب سے متاثر ہوئی اور اس کے ذخائر 10 سال کی کم ترین سطح پر آگئے۔

یادرہے کہ سعودی عرب نے 2021 میں 22.7 بلین ڈالر کا لگاتار آٹھواں بجٹ خسارہ ریکارڈ کیاجبکہ سعودی عرب میں افراط زر کی شرح گزشتہ سال کے مقابلے میں 1.2 فیصد اور گزشتہ دسمبر میں سال بہ ماہ 0.1 فیصد بڑھی۔