آئی ایس او پاکستان کے زیر اہتمام یمن پر سعودی جارحیت کے خلاف مختلف شہروں میں مظاہرے

شیعیت نیوز: پاکستان کے غیور عوام نے یمن پر سعودی جارحیت کے خلاف پاکستان کے مختلف شہروں میں احتجاجی مظاہرہ کیا اور ریلی نکالی۔

یمن پر سعودی جارحیت کے خلاف امامیہ اسٹوڈنٹس آرگنائزیشن پاکستان نے ملک کے اہم شہروں لاہور، ملتان، گلگت اور اسلام آباد میں احتجاجی ریلیوں کا انعقاد کیا۔ اس حوالے سے لاہور میں پریس کلب کے سامنے بھی احتجاجی ریلی نکالی گئی۔

یہ بھی پڑھیں : گستاخِ حضرت فاطمہ زہراؑ اشرف جلالی ملعون کو شیعہ سنی مسلمانوں کو لڑانے کا ٹاسک مل گیا

امامیہ اسٹوڈنٹس آرگنائزیشن پاکستان کے رہنمائوں نے ریلی سے خطاب کرتے ہوئے کہا کہ 7 سال سے یمن میں مظلوم مسلمانوں کو شیطانی قوتوں کی جارحیت کا سامنا ہے، سعودی بمباری سے یمن میں اب تک ایک لاکھ سے زائد افراد زخمی و شہید اور معذور ہو چکے ہیں۔

انہوں نے کہا کہ تاریخ کے بدترین انسانی بحران، وحشیانہ حملوں کے خلاف اور یمن میں عالمی سامراج کی جارحیت کے خلاف ہمیں سڑکوں پر نکل کر استعمار دشمنی کا عملی ثبوت دینا ہوگا۔

یہ بھی پڑھیں : کراچی ملیر جعفر طیار میں ’’تحفظ ناموس رسالت و حرمت حضرت فاطمہ زہرا ؑ ریلی‘‘ کا اعلان کردیا گیا

مقررین کا کہنا تھا کہ یمن کی جیل پر جارح سعودی اتحاد کے وحشیانہ حملے میں 80 سے زائد مظلوم یمنی جاں بحق اور 260 زخمی ہوئے۔ آل سعود اور متحدہ عرب امارات، عالمی سامراج امریکہ اور صیہونی حکومت کے آلہ کار اور انسانیت کے مجرم ہیں۔

مقررین کا کہنا تھا کہ یمن میں جارح سعودی اتحاد کے حملوں میں پچاسی فیصد سے زیادہ بنیادی تنصیبات تباہ ہو چکی ہیں، جبکہ عوام کو خوراک اور دواؤں کی قلت کا بھی سامنا ہے، ان تمام مظالم کے باوجود امت مسلمہ کی خاموشی اور عالمی برادری کی بے حسی افسوسناک ہے۔