امریکی فوجیوں کا انخلا نئی عراقی پارلیمنٹ کی اولین ترجیح ہے، عراقی شیعہ رابطہ بورڈ

شیعیت نیوز: عراقی شیعہ رابطہ بورڈ کے ایک رکن نے اپنے ملک سے امریکی فوجیوں کے انخلاء کو نئی پارلیمنٹ کی اولین ترجیحات میں سے ایک قرار دیا۔

المعلومہ نیوز ایجنسی کی رپورٹ کے مطابق عراقی شیعہ رابطہ کونسل کے رکن علی الفتلاوی کا کہنا ہے کہ امریکی فوجیوں کو ملک سے نکل جانا چاہیے۔

یہ بھی پڑھیں : شام میں قومی مصالحت کی مہم تیز، 22 ہزار لوگوں نے اسلحہ شامی حکومت کے حوالے کردیا

رپورٹ کے مطابق شیعہ رابطہ بورڈ کے رکن نے اس سلسلے میں کہا کہ عراق سے امریکی فوجیوں کا انخلاء نئی پارلیمنٹ کی اولین ترجیحات میں سے ہے۔

انہوں نے کہا کہ شیعہ رابطہ وفد عراقی سرزمین سے امریکی فوجیوں کے انخلاء میں ثابت قدم ہے۔

الفتلاوی نے مزید کہاکہ ہمارے اور دیگر سیاسی جماعتوں اور حالات کے نقطہ نظر سے، حکومت کی جانب سے عراقی سرزمین سے امریکی فوجیوں کے انخلاء سے متعلق سابقہ پارلیمانی قرارداد پر عمل درآمد میں تاخیر مکمل طور پر ناقابل قبول ہے۔

یہ بھی پڑھیں : عراق ،صوبے الانبار کے الرطبہ علاقے میں داعش کے خودکش حملے کی کوشش کو ناکام بنا دیا

یاد رہے کہ گزشتہ روز شام کے سکیورٹی ماہر مشیل کالاگاسی نے زور دے کر کہا کہ امریکہ شام اور عراق سے نکلنے کا خواہاں نہیں ہے۔

انہوں نے کہا کہ امریکی شام اور عراق میں اپنی فوجی بقا کو یقینی بنانے کے بہانے بنا رہے ہیں۔

انہوں نے کہا کہ شام میں امریکی فوجی موجودگی کے اہداف بہت واضح ہیں، شمال مشرقی شام میں تیل کے وسائل کی چوری اور شامی کرد ڈیموکریٹک فورسز کی حمایت امریکیوں کے مقاصد میں شامل ہے۔