اسرائیلی فوجیوں کا محاذ پر سرکاری گاڑیوں میں سونے کا نیا ریکارڈ
شیعیت نیوز: لبنانی سرحد کے ساتھ ساتھ تعینات غاصب صیہونی حکومت کے کوڑ کباڑ چنتے فوجیوں کے ویڈیو کلپ کے بعد اب اسرائیلی فوجیوں کی نہ ختم ہونے والی نیند عرب میڈیا کی توجہ کا مرکز بنی رہی جبکہ اس حوالے سے لبنانی ٹی وی چینل المنار اور ریڈیو النور نے متعدد سوتے صیہونی فوجیوں کی تصاویر شیئر کی ہیں۔
المنار کے رپورٹر کی جانب سے یہ ویڈیو کلپ شیئر کئے جانے کے بعد کہ جس میں سرحد کی حفاظت پر مامور ایک اسرائیلی فوجی اپنے افسر کی لاتیں کھا کر بھی بمشکل ہی جاگ پاتا ہے۔
یہ بھی پڑھیں : دشمن کے ارادوں اور منصوبوں کو لمحوں میں نیست و نابود کرنے والی شخصیت کا نام قاسم سلیمانی ہے، علامہ اقتدار نقوی
گویا سوشل میڈیا پر سوتے صیہونی فوجیوں کی تصاویر شیئر کرنے کا مقابلہ چل پڑا جبکہ اس ویڈیو کے نیچے ایک یوزر نے مزاحیہ انداز میں لکھا کہ جاگو جاگو اسرائیل! حزب اللہ والے ہمیں دیکھ رہے ہیں!
سوشل میڈیا یوزر کی دلچسپی دیکھتے ہوئے المنار کے خبرنگار نے سوتے صیہونی فوجیوں کی متعدد دوسری تصاویر بھی شیئر کیں اور ساتھ میں لکھا کہ یہ کوئی آج کا ماجرا نہیں بلکہ ہر روز کا وطیرہ ہے کہ غاصب صیہونی فوجی سرحد پر ڈیوٹی دیتے ہوئے جگہ جگہ گھوڑے بیچ کر سو جاتے ہیں۔
یہی وجہ ہے کہ حزب اللہ کے مزاحمت کار اس صورتحال کا بھرپور فائدہ اٹھاتے ہوئے غاصب اسرائیلی فوجیوں کے چھوٹے و درمیانے درجے کے اسلحے سمیت ان کی اہم دستاویزات بھی ضبط کر لیتے ہیں جبکہ اس قسم کے واقعات کے جواب میں صیہونی حکام کا کہنا یہی ہوتا ہے کہ حزب اللہ لبنان جنات سے کام لیتی ہے۔
