جنگی جہاز ملک کی بحری طاقت کے بنیادی ڈھانچہ ہیں، جنرل حسین سلامی
شیعیت نیوز: پاسداران اسلامی انقلاب کے سربراہ نے کہا کہ جنگی جہاز ملک کی بحری طاقت کے بنیادی ڈھانچے ہیں اور ہمارے پاس جنگی جہازوں کے معیار سے متعلق جدید ترین میرین ٹیکنالوجیز موجود ہیں۔
آرپورٹ کے مطابق، میجر جنرل حسین سلامی نے بروز اتوار کو بحریہ کے کمانڈر ایڈمیرل علی رضا تنگسیری کے ہمراہ امام خامنہ ای یونیورسٹی آف میرین سائنسز اینڈ ٹیکنالوجی میں واقع مراکز اور یونٹس کا دورہ کیا اور امام خامنہ ای یونیورسٹی کے گمنام شہداء کی یادگار پر حاضری دی۔
اس موقع پر جنرل سلامی نے کہا کہ آزاد ہونے کیلئے ہمیں سائنس، ٹیکنالوجی، بجلی کی پیداوار، معیشت اور ثقافت میں آزادی کی ضرورت ہے، جو کہ معاشرے کی شناخت کی اہم علامتیں ہیں۔
پاسدار انقلاب کے سربراہ نے کہا کہ ایرانی قومی کے سوا کسی کو ہمارے ملک کے مستقبل کا فیصلہ کرنے کی اجازت نہیں ہے؛ یہ ہمارا پیغام ہے کہ اکر کوئی ہمارے ملک کے مستقبل کیلئے فیصلہ کرنا چاہتا ہے تو ہم سنجیدگی سے اس کے خلاف مقابلہ کریں گے۔
یہ بھی پڑھیں : یمنی فوج نے مغربی الحدیدہ کو جارح سعودی اتحاد کے قبضے سے پوری طرح آزاد کرا لیا
انہوں نے کہا کہ ہمارے طاقت میں اضافے کی کوئی رکاوٹ نہیں ہے اور سب کو یہ جاننا ہوگا کہ ہم کسی کو اپنے ملک کے معاملات میں مداخلت کی اجازت نہیں دیں گے۔
جنرل سلامی نے کہا کہ آج خدا کے فضل سے ہم نے اپنا بحری غلبہ برقرار رکھا ہے اور سمندری علاقے کو وسعت دی ہے اور ہمارے پاس نئی سمندری ٹیکنالوجیز ہیں۔
انہوں نے کہا کہ تمام تر سازشوں اور بدنیتی کے باوجود اور دشمنوں کی ظالمانہ پابندیوں کی وجہ سے ملک کی داخلی صلاحیتوں اور ترقی پر خود اعتمادی اور بھروسہ پیدا ہوا اور آج اللہ رب العزت کی مدد اور ملکی ماہرین کوششوں سے ہم بہت سے اہم معاملات میں خود کفیل ہیں۔
پاسداران اسلامی انقلاب کے سربراہ نے کہا کہ جنگی جہاز ملک کی بحری طاقت کے بنیادی ڈھانچے ہیں اور ہمارے پاس جنگی جہازوں کے معیار سے متعلق جدید ترین میرین ٹیکنالوجیز موجود ہیں۔ اور یہ نظارے درست ہیں، اور جہاز ہماری حکمت عملی کی حقیقی شناخت ہیں، جو سمندر میں تزویراتی پیغامات لے کر جاتے ہیں۔
