مفکرپاکستان، حکیم الامت علامہ ڈاکٹر محمد اقبالؒ کا 144 واں یومِ ولادت ملی جوش و خروش سے منایا جارہا ہے

شیعیت نیوز: آج مفکرپاکستان، حکیم الامت علامہ ڈاکٹر محمد اقبالؒ کا 144 واں یومِ ولادت منایا جا رہا ہے۔ اس موقع پر لاہور میں مزارِ اقبال پر گارڈز کی تبدیلی کی پر وقار تقریب منعقد ہوئی ہے۔

پاکستان کے تصور کا خواب دیکھنے والے شاعرِ مشرق علامہ محمد اقبال کا آج144 واں یومِ پیدائش ہے۔ آج ملی جوش و خروش سے منایا جارہا ہے۔

اس دن کی مناسبت سے ملک بھر میں تقریبات منعقد ہوں گی جس میں حکیم الامت کی تحریک پاکستان کیلئے جدوجہد کو بھرپور انداز میں خراج عقیدت پیش کیا جائے گا۔

یہ بھی پڑھیں: کورونا لاک ڈاؤن میں نرمی ، پاکستانی زائرین کیلئے ایران سے بڑی خوشخبری سامنے آگئی

علامہ اقبال 9 نومبر 1877ء کو سیالکوٹ کے ایک دیندار گھرانے میں پیدا ہوئے۔ مولوی میر حسن اور پروفیسر آرنلڈ کی شاگردی نے ان کے دینی اور دنیاوی علم کو جلا بخشی جبکہ جرمنی اور برطانیہ سے حاصل ہونے والی اعلیٰ تعلیم نے وسیع النظری پیدا کی۔

حکیم الامت علامہ اقبال کی شاعری نے برصغیر کی پسماندہ مسلم قوم کو جگایا، امید پیدا کی اور ان کے دو قومی نظریے اور علیحدہ قومیت کے تصور نے پاکستان کی راہ ہموار کی۔

علامہ اقبال کی شہرت جہاں مسلمانوں کے موجودہ دور میں مصلحانہ کردار کی تھی وہیں قیامِ پاکستان میں ایک ممتاز شخصیت کی تھی کیونکہ انہوں نے اپنے خطبۂ الٰہ آباد میں مسلمانوں کی الگ مملکت کا پورا نقشہ پیش کیا۔