فورسسز کی کاروائی: کالعدم لشکر جھنگوی کے دو بڑے کمانڈر کمانڈرز جہنم واصل

شیعیت نیوز : جنوبی وزیرستان میں پولیس حکام نے دعویٰ کیا کہ کالعدم لشکر جھنگوی کے ایک کمانڈر کو ہلاک کر دیا گیا ہے۔

حکام نے بتایا کہ قاری حسین پیر کے روز جنوبی وزیرستان کے زیریں علاقے برمل تحصیل کے ایک دور افتادہ حصے میں فائرنگ کے واقعے میں مارا گیا۔

پولیس حکام نے اس شدت پسند کو کالعدم لشکر جھنگوی کا ایک اہم رکن قرار دیا، جو سیکیورٹی فورسز پر حملوں، بھتہ خوری، اغوا اور ٹارگٹ کلنگ میں ملوث تھا۔

یہ بھی پڑھیں : کوئٹہ دھماکہ: حساس علاقے میں لرزہ خیز حملہ؛ کالعدم لشکر جھنگوی کے 4 دہشتگرد جہنم واصل

علاوہ ازیں، لکی مروت ضلع کے علاقے وانڈا امیر میں پیر کے روز مقامی پولیس اور مسلح مقامی افراد کے ساتھ جھڑپ میں ایک شدت پسند مارا گیا۔

ایک پولیس اہلکار نے بتایا کہ علاقے کی پولیس نے مسلح دیہاتیوں اور امن کمیٹی کے ارکان کی مدد سے کارروائی کی، جب انہیں وہاں کالعدم لشکر جھنگوی دہشت گردوں کی موجودگی کی اطلاع ملی۔

انہوں نے کہا کہ صدر پولیس اسٹیشن کی حدود میں شدید فائرنگ کا تبادلہ ہوا، جس کے نتیجے میں ایک دہشت گرد مارا گیا۔

انہوں نے بتایا کہ ہلاک دہشت گرد کی شناخت حکمت اللہ کے نام سے ہوئی، جو پولیس اور محکمہ انسداد دہشت گردی (سی ٹی ڈی) کو مختلف دہشت گردی کے مقدمات میں مطلوب تھا۔