عراق، امریکی بلد ائربیس پر راکٹوں کی بارش

شیعیت نیوز: عراق میں بلد ائربیس پر امریکہ کی فوجی تنصیبات پر کم از کم پانچ راکٹ داغے گئے۔

عالمی ذرائع ابلاغ میں شائع ہونے والی رپورٹوں کے مطابق اتوار کو امریکی فوجیوں کے زیر استعمال ایئر بیس پر 5 راکٹ داغے گئے کہ جن میں سے کم از کم 2 راکٹ جہازوں کی مرمت کرنیوالی امریکی فرم کی فیسیلٹی پر جالگے۔

ذرائع نے بتایا ہے کہ راکٹوں نے بغداد کے شمال میں بلد ہوائی اڈے کو نشانہ بنایا اور دو راکٹ امریکی کمپنی سیلی پورٹ کی ایک عمارت اور کینٹین سے ٹکرا ئے، اس واقعے میں کم ازکم دو افراد کے زخمی ہونے کی خبریں گشت کر رہی ہیں۔

یہ بھی پڑھیں : یمنی تحریک انصار اللہ کا سعودی فضائیہ کے اڈے پر بارودی ڈرونز سے حملہ

بتایا جاتا ہے کہ حملے کے بعد امریکی ہیلی کاپٹروں کو بلد ائربیس کے اطراف میں پرواز کرتے دیکھا گیا۔

بغداد کے شمال میں بلد ایئربیس پر F-16جنگی طیارے کھڑے ہوتے ہیں اور ان کی دیکھ بھال کے لئے متعدد کمپنیاں عراقی اور غیرملکی اسٹاف کے ہمراہ کام کر رہی ہیں۔

امریکی صدر جو بائیڈن کےجنوری میں اقتدار سنبھالنے کے بعد سے اب تک امریکی فوجیوں کے زیر استعمال ہوائی اڈوں سمیت امریکی مفادات کے خلاف 20 کے قریب بم یا راکٹ حملے کئے جاچکے ہیں۔

یہ بھی پڑھیں : شام میں صدارتی انتخابات کے انعقاد کا اعلان

دوسری جانب عراق کی آئل کمپنی کا کہنا ہے کہ صوبہ کرکوک کی آئل فیلڈ ’’ای حسن‘‘ کے دو کنوؤں میں دستی بم کے دھماکے ہوئے۔

موازین نیوز کی رپورٹ کے مطابق عراق کی آئل کمپنی نے ایک بیان جاری کرتے ہوئے کہا کہ اس تخریب کارانہ واقعہ سے جانی نقصان نہیں ہوا ، تیل کی تنصیبات کو نقصان نہیں پہنچا اور تیل کی سپلائی بھی متاثر نہیں ہوئی۔ ہونے والے دستی بم کے دھماکوں کی تحقیقات شروع کر دی گئیں۔

بغداد الیوم سے گفتگو کرتے ہوئے عراق کے ایک سکیورٹی عہدیدار نے کہا کہ داعش کے دہشت گردوں نے کرکوک کے علاقے الدبس میں تیل کے کنویں 105 پر حملہ کیا۔ تیل کے ان کنوؤں کی سکیورٹی علاقائی قبائل کے ہاتھ میں ہے۔