عراق میں ایرانیوں کی موجودگی سے متعلق نیتن یاہو کا بیان جھوٹ کا پلندہ

عراق کے وزیر خارجہ ابراہیم جعفری نے اجلاس سے خطاب کرتے ہوئے مسئلہ فلسطین کی جانب اشارہ کیا اورکہا کہ عراق، فلسطین کے بارے میں اپنی آزاد پالیسی پر کاربند ہے اور مقبوضہ سرزمین سے اسرائیلی فوجیوں کے انخلا سے ہی امن قائم ہو سکتا ہے۔

عراق کے وزیر خارجہ نے ایک بار پھر امریکہ کی جانب سے مقبوضہ بیت المقدس کو اسرائیلی دارالحکومت کے طور پر تسلیم کرنے کے فیصلے کی مخالفت کی۔

ابراہیم جعفری نے عراق کے شمالی علاقے بعشیقه میں ترکی کی فوجی موجودگی پر سخت رد عمل دکھاتے ہوئے کہا کہ بغداد اپنی سرزمین پر انقرہ کی جارحیت کی مذمت کرتا ہے۔

عراق کے وزیر خارجہ نے داعش سے عراق کے کئی علاقوں کو آزاد کرانے کی جانب اشارہ کرتے ہوئے کہا کہ ہم ان کو جنہوں نے دہشتگرد گروہوں کے خلاف ہم سے تعاون کیا فراموش نہیں کریں گے۔