شادی کی تقریب پر سعودی اتحادی افواج کی بمباری، 11 افراد شہید

صنعا(مانیٹرنگ ڈیسک) یمن میں شادی کی تقریب پر بمباری کے نتیجے میں 11 افراد شہید ہوگئے ہیں۔ غیرملکی خبررساں ادارے کے مطابق سعودی اتحادی فوج نے شمالی یمن کے شہر ’سادا‘ میں رات گئے فضائی بمباری کی جس کے نتیجے میں 11 افراد شہید ہوگئے۔

فضائی بمباری میں 10 سے زائد افراد زخمی بھی ہوئے ، زخمیوں کو فوری طور پر طبی امداد کے لیے اسپتال منتقل کردیا گیا۔مقامی حکام کا کہنا ہے کہ بمباری شادی کی تقریب میں کی گئی جب کہ بمباری کے بعد لڑاکا طیارے بہت دیر تک علاقے میں پرواز کرتے رہے۔