کوئٹہ: کالعدم لشکر جھنگوی کے فائرنگ سے بھائی بہن شہید، نماز جنازہ ادا کردی گئی

شیعیت نیوز: پاکستان کے صوبہ بلوچستان کے دارالحکومت کوئٹہ میں ماہ رمضان المبارک کے دوران بھی درندہ صفت دہشتگردوں کی کارروائیاں نہ رک سکی۔

اطلاعات کے مطابق تکفیری ملک دشمن دہشتگرد تنظیم لشکری جھنگوی کے دہشتگردوں نے فائرنگ کرکے حالت روزہ میں دو شیعہ مسلمان بہن بھائی شکیل اور بی بی حوا کو شہید کر دیا۔

تفصیلات کے مطابق دہشتگردوں نے موٹر سائیکل پر سوار دو افراد کو اسوقت نشانہ بنایا، جب وہ اسپنی روڈ پر بروری سے علمدار روڈ کیجانب سفر کر رہے تھے۔

واقعہ میں ایک مرد اور ایک خاتون کو فائرنگ کرکے موقع پر ہی شہید کر دیا گیا۔ یاد رہے گذشتہ چند مہینے کے وقفے کے بعد ایک مرتبہ پھر کوئٹہ میں تکفیری دہشتگردوں نے شیعہ مسلمانوں‌ کو نشانہ بنایا ہے۔

دونوں شہید وں کی نماز جنازہ مقامی مسجد میں ادا کردی گئ ہے۔