یمن میں آل سعود کے خلاف احتجاجی مظاہرہ
17 اپریل, 2017 00:00
رپورٹ کے مطابق ہزاروں یمنی شہریوں نے دارالحکومت صنعا میں احتجاجی مظاہرہ کر کے یمن اور علاقے میں امریکہ اور سعودی عرب کی پالیسیوں اور جرائم کی مذمت کی اور سعودی عرب کے ایجنٹوں کے یمن سے انخلا کا مطالبہ کیا-
یمنی شہریوں نے یمن کے مستعفی صدر منصور ہادی کے خلاف مقدمہ چلائے جانے پر بھی تاکید کی اور دنیا بھر کے ملکوں سے اپیل کی کہ وہ یمن پر حملے روکنے کے لئے سعودی عرب پر دباؤ ڈالیں-
آل سعود حکومت مارچ دو ہزار پندرہ سے امریکہ کی مدد سے یمن پر حملے کر رہی ہے- سعودی عرب کے حملوں میں بارہ ہزار سے زیادہ یمنی شہری شہید اور دسیوں ہزار دیگر زخمی ہو چکے ہیں-
