راحیل شریف 39 ملکی اتحاد سربراہی، پی ٹی آئی کامعاملہ پارلیمنٹ میں اٹھانےکا اعلان

شیعیت نیوز:  پاکستان تحریک انصاف نے سابق آرمی چیف جنرل راحیل شریف کو این او سی دینے کا معاملہ پارلیمنٹ میں اٹھانے کا اعلان کر دیا ہے۔ پارلیمنٹ میں یہ بات طے ہوئی تھی کہ مڈل ایسٹ کے کسی تنازعے میں پاکستان فریق نہیں بنے گا ۔

پالیسی فیصلے پر پارلیمنٹ سے اجاز ت لینا ضرور ی ہے ۔

پی ٹی آئی کے مرکزی ترجمان فواد چوہدری کے مطابق سابق آرمی چیف راحیل شریف کو این او سی دینے کا معاملہ انفرادی شخصی نہیں بلکہ پالیسی فیصلہ ہے ۔ انہوں نے کہا کہ این او سی کے معاملے پر قومی اسمبلی کا اجلاس بلاکر ارکان پارلیمنٹ کو اعتماد میں لیا جائے ۔ تحریک انصاف اس ضمن میں معاملہ پارلیمنٹ میں اٹھانے کے لئے قانونی طریقہ کار اختیار کرے گی ۔

فواد چودھری کا کہنا ہے کہ حکومت نے سابق آرمی چیف جنرل راحیل شریف کے معاملے میں پہلے انکار کیا پھر اقرار کیا ۔ پارلیمنٹ میں یہ بات طے ہوئی تھی کہ مڈل ایسٹ کے کسی تنازعے میں پاکستان فریق نہیں بنے گا ۔ پارلیمنٹ میں یہ طے ہوا تھا کہ سابق آرمی چیف راحیل شریف کا معاملہ شخصی نہیں پالیسی فیصلہ ہے ۔ اس لیے پالیسی فیصلے پر پارلیمنٹ سے اجاز ت لینا ضرور ی ہے ۔